National
રાજીવ ગાંધી એરપોર્ટ પર દાણચોરો પાસેથી 1.3 કરોડનું સોનું જપ્ત, કુવૈતથી આવી રહ્યા હતા મુસાફરો
રાજીવ ગાંધી ઈન્ટરનેશનલ એરપોર્ટ (RJIA) પર હૈદરાબાદ કસ્ટમ્સે 17મી જુલાઈના રોજ બે કેસમાં 1.03 કરોડ રૂપિયા અને 1.725 કિલોગ્રામનું દાણચોરીનું સોનું જપ્ત કર્યું હતું.
કસ્ટમ વિભાગના જણાવ્યા અનુસાર, પ્રથમ કેસમાં કુવૈતથી દુબઈ થઈને આવતા એક મુસાફર પાસેથી 72.55 લાખ રૂપિયાની કિંમતનું કુલ 1.225 કિલો સોનું જપ્ત કરવામાં આવ્યું હતું. કસ્ટમ એક્ટની જોગવાઈઓ હેઠળ મુસાફરની ધરપકડ કરવામાં આવી છે.
અન્ય એક કિસ્સામાં, કુવૈતથી દોહા થઈને હૈદરાબાદ પહોંચેલા મુસાફર પાસેથી 30.51 લાખ રૂપિયાની કિંમતનું કુલ 500 ગ્રામ સોનું જપ્ત કરવામાં આવ્યું છે. બંને મુસાફરો સોનાની દાણચોરી કરતા હતા. કસ્ટમ વિભાગે ટ્વીટ કરીને કહ્યું કે આ મામલે વધુ તપાસ ચાલી રહી છે.
