International
પાકિસ્તાનના ક્વેટામાં ગેસ લીક થવાથી 16ના મોત, વિસ્ફોથી મકાન ધરાશાયી, 4 બાળકોએ પણ જીવ ગુમાવ્યા
પાકિસ્તાનના દક્ષિણ-પશ્ચિમ બલૂચિસ્તાન પ્રાંતના ક્વેટા શહેરમાં છેલ્લા અઠવાડિયામાં ગેસ લીકેજની ઘટનાઓમાં બાળકો સહિત ઓછામાં ઓછા 16 લોકોના મોત થયા છે. બુધવારે ક્વેટાના કિલ્લી બડેજાઈ વિસ્તારમાં ગેસ લીકને કારણે થયેલા વિસ્ફોટને પગલે માટીની દીવાલો ધરાશાયી થતાં એક પરિવારના ચાર બાળકોના મોત થયા હતા, પોલીસે જણાવ્યું હતું. આ ઘટનામાં બે મહિલાઓને પણ ઈજા થઈ છે. પોલીસે જણાવ્યું કે જ્યારે રૂમમાં ગેસ ભરાઈ ગયો ત્યારે બાળકો સૂઈ રહ્યા હતા અને વિસ્ફોટને કારણે ઘરની દિવાલો ધરાશાયી થઈ ગઈ હતી.
પોલીસ સબ ઇન્સ્પેક્ટરનું શ્વાસ રૂંધાવાથી મોત થયું હતું
આવી જ અન્ય એક ઘટનામાં ક્વેટાના એક વિસ્તારમાં પોલીસ સબ ઈન્સ્પેક્ટરના રૂમમાં ગેસ ભરાઈ ગયો હતો, જેના કારણે તેનું શ્વાસ રૂંધાવાથી મોત થયું હતું. વરિષ્ઠ પોલીસ અધિકારીએ પુષ્ટિ આપી હતી કે છેલ્લા અઠવાડિયાથી દરરોજ ઘણા કેસ નોંધાયા છે, જેમાં એક ડઝનથી વધુ લોકો મૃત્યુ પામ્યા છે
અને ડઝનેક લોકો તેમના ઘરોમાં ગેસ લિકેજને કારણે બેહોશ થઈ ગયા છે. તેઓએ જણાવ્યું હતું કે મોટા પ્રમાણમાં ગેસ લોડ-શેડિંગ અને ઓછા દબાણને કારણે લીક થયું હતું.
ઘણી જગ્યાએ ગેસ લીકેજ
અહેવાલો અનુસાર, ગેસ લોડ શેડિંગ અને લીકેજની સમસ્યા માત્ર ક્વેટામાં જ નહીં પરંતુ ઝિયારત અને કલાત જેવા નજીકના વિસ્તારોમાં પણ સામે આવી છે. બલૂચિસ્તાન હાલમાં છેલ્લા એક મહિનાથી તીવ્ર ઠંડીની ઝપેટમાં છે.