Gujarat
ગુજરાતના જામનગરમાં મકાન ધરાશાયી થતાં 3ના મોત, ઘણા કાટમાળ નીચે દટાયા
ગુજરાતના જામનગર જિલ્લામાં શુક્રવારે સાંજે ત્રણ માળની ઈમારત ધરાશાયી થઈ હતી. આ ઘટના જિલ્લાની સાધના કોલોનીમાં બની હતી. ઇમારત ધરાશાયી થવાને કારણે 3 લોકોએ જીવ ગુમાવ્યા હતા. 8થી વધુ લોકો કાટમાળ નીચે દટાયા છે. બે માળની ઈમારત ધરાશાયી થવાની માહિતી મળતાની સાથે જ પોલીસ પ્રશાસન અને રેસ્ક્યુ ટીમ ઘટનાસ્થળે પહોંચી ગઈ હતી. રેસ્ક્યુ ટીમ અને સ્થાનિક લોકોની મદદથી લોકોને કાટમાળમાંથી બહાર કાઢવામાં આવી રહ્યા છે.
આ અંગે વધુ વિગતો આપતા જામનગરના સાંસદ પૂનમબેન માડમે જણાવ્યું હતું કે અત્યાર સુધીમાં 5 લોકોને બચાવી લેવાયા છે. રેસ્ક્યુ ટીમ કાટમાળમાંથી લોકોને બહાર કાઢવામાં લાગેલી છે. ટૂંક સમયમાં લોકોને કાટમાળમાંથી બહાર કાઢવામાં આવશે.
ઇમારત 30 વર્ષ જૂની છે
સ્થાનિક લોકોએ જણાવ્યું કે ઈમારતની હાલત પહેલાથી જ જર્જરિત હતી. જ્યારે તે નીચે પડી ત્યારે જ બિલ્ડિંગમાં રહેતા લોકો તેમના ઘરની અંદર હતા. સ્થાનિક લોકોએ જણાવ્યું હતું કે ગુજરાત હાઉસિંગ બોર્ડ દ્વારા આશરે ત્રીસ વર્ષ પહેલાં આ બિલ્ડિંગનું નિર્માણ કરવામાં આવ્યું હતું. ત્યારપછી આ ઈમારતમાં કોઈ ખાસ સમારકામ કરવામાં આવ્યું નથી.
સ્થાનિક ધારાસભ્ય અને પાલિકાના અધિકારીઓ પણ પહોંચ્યા હતા
બિલ્ડીંગ ધરાશાયી થયાની માહિતી મળતા જ પાલિકાના અધિકારીઓ અને સ્થાનિક ધારાસભ્ય દિવ્યેશ અકબરી ઘટના સ્થળે પહોંચી ગયા હતા. ધારાસભ્યએ જણાવ્યું કે ઘાયલોને સારવાર માટે નજીકની હોસ્પિટલમાં દાખલ કરવામાં આવી રહ્યા છે. વિધાનસભ્ય દિવ્યેશે કહ્યું કે, તેમણે બિલ્ડિંગ ધરાશાયી થવાની તપાસની માંગણી પણ કરી છે. તેમણે કહ્યું કે જે પણ દોષિત છે. તેમને બક્ષવામાં આવશે નહીં.
અમદાવાદમાં બાલ્કની પડી
જણાવી દઈએ કે બે દિવસ પહેલા બુધવારે અમદાવાદમાં એક બિલ્ડિંગની બાલ્કની પડી ગઈ હતી. આ અકસ્માતમાં અનેક લોકો ઘાયલ થયા છે. બાલ્કનીમાં ઉભા રહીને મોટી સંખ્યામાં લોકો નીચે રસ્તા પર પસાર થતી જગન્નાથની યાત્રા નિહાળી રહ્યા હતા. ત્યારે આ અકસ્માત સર્જાયો હતો.
