Gujarat
5 મહિનાના બાળકને સિંહણએ અને 3 વર્ષના બાળકને દીપડાએ પોતાનો શિકાર બનાવ્યો, બાળકો ને મારીને બનાવ્યો પોતાનો ખોરાક
ગુજરાતના અમરેલી જિલ્લામાં અલગ-અલગ ઘટનાઓમાં એક સિંહણ અને દીપડાએ નવજાત શિશુ અને ત્રણ વર્ષના બાળકનું મોત નીપજ્યું હતું. વન વિભાગના અધિકારીઓએ મંગળવારે આ માહિતી આપી હતી.
નાયબ વન સંરક્ષક જયન પટેલે જણાવ્યું હતું કે, લીલીયા તાલુકાના ખેડા ગામ પાસે ખુલ્લામાં પરિવાર સાથે સૂઈ રહેલા પાંચ માસના બાળકને મંગળવારે સવારે સિંહણ ઉપાડી ગઈ હતી. તેમનો પરિવાર દરરોજ મજૂરી કામ કરે છે.
“નવજાત શિશુને જ્યાંથી ઉપાડવામાં આવ્યું હતું ત્યાંથી લગભગ અડધો કિલોમીટર દૂર માથું મળી આવ્યું હતું,” તેમણે કહ્યું. પગના નિશાન અને સ્થાનિક લોકોના નિવેદનો પરથી અમે માનીએ છીએ કે તે સિંહણ હતી.
તેમણે કહ્યું કે વનકર્મીઓની ટીમો વિસ્તારમાં કોમ્બિંગ કરી રહી છે અને સિંહણને પકડવા માટે પાંજરા ગોઠવવામાં આવશે. પટેલે જણાવ્યું હતું કે બે વેટરનરી તબીબોને તૈયાર રાખવામાં આવ્યા છે.
સોમવારે રાત્રે અન્ય એક ઘટનામાં, સાવરકુંડલા તાલુકાના કરજાલા ગામમાં દીપડાના હુમલામાં ત્રણ વર્ષના છોકરાએ જીવ ગુમાવ્યો હતો, એમ વન અધિકારીઓએ જણાવ્યું હતું. તેમણે જણાવ્યું કે બાદમાં વન વિભાગના કર્મચારીઓએ દીપડાને પકડી લીધો હતો.
