Panchmahal
પાવાગઢના સત્ય વિજય હનુમાનજી મંદિર રામ ટેકરી ખાતે તા.૫ માર્ચના રોજ બ્લડ ડોનેશન કેમ્પ યોજાશે
પ્રતિનિધિ, કાજર બારીયા
(અવધ એક્સપ્રેસ)
પાવાગઢના સત્ય વિજય હનુમાનજી મંદિર, રામ ટેકરી, પાતાલ તળાવ સામે પાવાગઢ રોડ, હાલોલ સંત શીરોમણી બ્રમલીન પ.પુ. શ્રી ગરબડદાસજી બાપુની બીજી પુણ્ય તીથી નિમીતે, મહંત ગોપાલદાસજી ગુરૂજી ના સાનીધ્ય માં હાલોલ મહાજન આરોગ્ય મંડળ સંચાલીત રકતદાન સીબીર નુ આયોજન કરવામાં આવ્યું છે. હાલોલ મહાજન આરોગ્ય મંડળ સંચાલીત સેવા સમિતિ દ્વારા તા.૫ માર્ચ ૨૦૨૪ને મંગળવારના સવારે ૯:૩૦ કલાકે રક્તદાન શિબિર યોજાશે.
રક્તદાન કરવાથી હૃદયનું સ્વાસ્થ્ય સારું થાય છે.
લોહીમાં આયર્નનું પ્રમાણ વધી જવાથી હાર્ટને લગતી વિવિધ બીમારી થવાની શક્યતાઓ રહે છે. નિયમિત રક્તદાન કરવાથી લોહીમાં આયર્નનું પ્રમાણ ઘટે છે. જેનાથી હાર્ટ અટેકની શક્યતા ૮૮ % જેટલી ઘટી જાય છે. આ ઉપરાંત રક્તદાનથી લકવા થવાની શક્યતામાં પણ ૩૩ % જેટલો ઘટાડો થાય છે. રક્તદાનથી ફક્ત દર્દીને જ નહિ પરંતુ દર્દી ઉપર નિર્ભર પુરા પરિવારને મદદરૂપ બની શકાય છે અને સમાજને મદદરૂપ થઇ શકાય છે કે જેનું કોઈ મૂલ્ય જ નથી.
રક્તદાન એ મહાદાન હોઇ, કોઇની જીદંગી બચાવામાં રક્તદાન કરવું જરૂરી છે. આવા ભગીરથ કાર્યમાં જોડાવવા સત્ય વિજય હનુમાનજી મંદિર ના મહંત શ્રી ગોપાલદાસજી આપ સૌને નમ્ર અપીલ કરી છે. સર્વ પ્રથમ બ્લડ ડોનેશનની શરૂઆત શ્રી સત્ય વિજય હનુમાનજી મંદિર ના મહંત ગોપાલદાસજી ગુરૂજી કરશે.