Gujarat Panchmahal

ઘોઘંબા ભાથીજી મંદિરે ઝાયણી, પાટોત્સવ તથા બળીયા બાપજી ની પ્રતિષ્ઠા કરાઈ (પ્રતિનિધિ ગોકુળ પંચાલ) ધનેશ્વર રોડ ઉપર આવેલ ભાથીજી મંદિરે ક્ષત્રિય સમાજ દ્વારા ઝાયણી, પાટોત્સવ તથા બળીયા બાપજીની પ્રતિમાની પ્રાણ પ્રતિષ્ઠા નું આયોજન કરવામાં આવ્યું હતું જેમાં ઘોઘંબા તેમજ આજુબાજુ ગામોના શ્રદ્ધાળુઓ તથા રાજકીય આગેવાનો મોટી સંખ્યામાં ઉપસ્થિત રહ્યા હતા ઘોઘંબા નગરના ધનેશ્વર રોડ ઉપર ક્ષત્રિય વીર ભાથીજી મહારાજનું મંદિર આવેલું છે દેવ દિવાળી પ્રસંગે ક્ષત્રિય સમાજ દ્વારા આજરોજ ભાથીજી મંદિર ખાતે ધાર્મિક પ્રસંગોનો ત્રિવેણી સંગમ યોજ્યો હતો જેમાં ઝાયણી,ત્રીજો પાટોત્સવ તથા બળીયાદેવ મહારાજની પ્રતિમાની પ્રાણ પ્રતિષ્ઠા કરવામાં આવી હતી જેના આયોજનના ભાગરૂપે મંદિરના પટાંગણમાં યજ્ઞ તેમજ મહાભંડારાનું આયોજન કરવામાં આવ્યું હતું આજના કાર્યક્રમમાં ઘોઘંબા ગામના સરપંચ નિલેશભાઈ વરિયા ક્ષત્રિય આગવાન મહેશસિંહ ચૌહાણ સહિત ભાજપના રાજકીય આગેવાનો તથા ગ્રામજનો મોટી સંખ્યામાં ઉપસ્થિત રહ્યા હતા

Gujarat Panchmahal

ઘોઘંબામાં જનનાયક બિરસા મુંડાની જન્મજયંતિની ઉજવણી પ્રસંગે પુષ્પાંજલિ અર્પણ કરવામાં આવી (ઘોઘંબા) પંચમહાલ જિલ્લામાં ઘોઘંબા ખાતે જનનાયક બિરસા મુંડાની જન્મજયંતિ નિમિત્તે ઘોઘંબામાં વિવિધ કાર્યક્રમોનું આયોજન કરવામાં આવ્યું હતું. જેમાં ભારતીય જનતા પાર્ટી ના કાર્યકરો તથા આદિવાસી સમાજના આગેવાનો ઉપસ્થિત રહી જાહેરસભા તથા નવા માર્કેટિંગયાર્ડ થી બિરસામુંડા સર્કલ સુધી સોભાયાત્રાનું આયોજન કરવામાં આવ્યુ હતુ ભારત દેશ એટલે મહાપુરૂષોની પુણ્યભૂમિ અને આ જ પુણ્યભૂમિમાં અવતરેલા યુગ પુરૂષ એટલે આપણા ભગવાન બિરસા મુંડા. જેમણે હિન્દુ સંસ્કૃતિ, જળ, જમીન, જાનવર, જંગલ સહિત રાષ્ટ્રની રક્ષા અને સંવર્ધન કાજે માત્ર ૨૫ વર્ષની ઉંમરે જ બલિદાન આપી જનજાતિ સમાજની ત્યાગ-બલિદાન અને સમર્પણની ભાવનાને ઉજાગર કરી સમાજ સહિત સમગ્ર દેશને ગૌરવ બક્ષ્યું. આ યુગપુરૂષ ભગવાન બિરસા મુંડાની જન્મજયંતિની ઉજવણી આપણા ઘોઘંબાની પાવન ધરામાં હોઇ આપણે સૌ "તૂ - મૈ એક રક્ત" ને ચરિતાર્થ કરવા સહભાગી બની કાર્યક્રમને સફળ બનાવ્યો હતો રાષ્ટ્ર અને ધર્મ પ્રત્યેની અવિસ્મરણીય લડાઈમાં માત્ર ૨૫ વર્ષની અલ્પાયુમાં પોતાના પ્રાણની આહુતિ આપી શહાદત વ્હોરી લેનાર જન નાયક ભગવાન બિરસા મુંડાની જન્મ જયંતીની ઠેર ઠેર ઉજવણી કરવામાં આવી રહી છે ત્યારે અંકલેશ્વરના ભરૂચીનાકા સ્થિત બિરસા મુંડાની પ્રતિમાને પુષ્પાંજલિ અર્પણ કરવામાં આવી હતી. જાહેર સભાના જનજાતિ કલ્યાણ આશ્રમ ગુજરાત પ્રાંતના બળવંતસિંહ રાવત તેમજ પંચમહાલ જિલ્લાના જયદેવ રાઠવા મુખ્ય વક્તા તરીકે ઉપસ્થિત રહ્યા હતા અને શોભાયાત્રા એ.પી.એમ.સી માર્કેટ થી બિરસા મુંડા સર્કલ સુધી યોજાય હતી જેમાં આદિવાસી સમાજના આગેવાનો સહિત રાષ્ટ્રીય સ્વયં સેવક સંઘ,વિશ્વ હિન્દુ પરિષદ તેમજ બજરંગ દળના કાર્યકરો તેમજ ભારતીય જનતા પાર્ટી સહિતની વિવિધ રાષ્ટ્રીય પક્ષના આગેવાનો જોડાયા હતા. આ તરફ આદિવાસી સમાજના જન નાયક એવા ક્રાંતિકારી બિરસા મુંડાની જન્મ જયંતીની ઉજવણીના ભાગરૂપે જનજાતિ કલ્યાણ આશ્રમ ના ઉપક્રમે ઘોઘંબામાં આદિવાસી જન જાગૃતિ સમિતિ દ્વારા એ.પી.એમ.સી માર્કેટ રાજગઢ ખાતે જાહેર સભા યોજવામાં આવી હતી અને મામલતદાર કચેરી ફાટક પાસે બિરસા મુંડા સર્કલ ખાતે બિરસા મુંડા ની મૂર્તિને પુષ્પાંજલિ અર્પણ કરવામાં આવી હતી

Panchmahal

ગોધરા ખાતે ડીસ્પેચીંગ-રીસીવીંગ સેન્ટર ઊભું કરાયું,નાગરિકો ૦૨૬૭૨-૨૬૦૧૨૨ પર સંપર્ક કરી શકશે

Published

7 months ago

on

April 29, 2024

By

લોકસભા સામાન્ય ચુંટણી-૨૦૨૪ તા.૦૭/૦૫/૨૦૨૪ના રોજ યોજાનાર છે,જે અંતર્ગત ૧૮-પંચમહાલ લોકસભા મતદાર વિભાગમાં સમાવિષ્ટ,૧૨૬-ગોધરા વિધાનસભા મતદાર વિભાગ માટે સેન્ટ આર્નોલ્ડ સ્કુલ ગોધરા ખાતે ડીસ્પેચીંગ-રીસીવીંગ સેન્ટર ઉભુ કરવામાં આવ્યું છે. તા.૦૭/૦૫/૨૦૨૪ના રોજ યોજાનાર મતદાન વખતે આવનાર ફરીયાદો માટે સદર સેન્ટર ખાતે હંગામી ટેલિફોન નંબર ૦૨૬૭૨-૨૬૦૧૨૨ ઉપલબ્ધ કરવામાં આવેલ છે. જેથી તા.૦૭/૦૫/૨૦૨૪ ના રોજ મતદાન બાબતે લોકો મારફત આવનાર/થનાર ફરીયાદો ઉપરોકત ટેલિફોન નંબરમાં નોંધાવે જે માટે સદર ટેલિફોન નંબરની ૧૨૬-ગોધરા વિધાનસભા મતદાર વિભાગ અંતર્ગત લોકોને જણાવવા અંગે મદદનીશ ચૂંટણી અધિકારી અને નાયબ કલેકટર પ્રાંત ગોધરા દ્વારા એક અખબારી યાદીમાં જણાવ્યું છે.

Related Topics:

પંચમહાલના વિવિધ સ્થળો ખાતે ફ્લેશ મોબ થકી ૭ મેના અચૂક મતદાનનો સંકલ્પ લેવાયો

વોટ કરશે,પંચમહાલ અચૂક મતદાનનો સંકલ્પ લેવાયો

Continue Reading

Advertisement

error: Content is protected !!