Chhota Udepur
કાછેલ ગામેથી દેશી કટ્ટા સાથે સીન સપાટા કરતો શખ્સ ઝડપાયો
પ્રતિનિધિ, કાજર બારીયા
(અવધ એક્સપ્રેસ)
છોટાઉદેપુર જિલ્લા સ્પેશિયલ ઓપરેશન ગ્રુપ દ્વારા કાછેલ ગામેથી એક જણા પાસેથી દેશી હાથ બનાવટનો કટ્ટો મળી આવતા તેની ધરપકડ કરીને કાર્યવાહી હાથ ધરવામાં આવી હતી.
છોટાઉદેપુર જિલ્લા સ્પેશિયલ ઓપરેશન ગ્રુપના ઇન્ચાર્જ પી.એસ.આઇ. વી.એન.તડવી રંગપુર પોલીસ મથક વિસ્તારમાં પેટ્રોલિંગમાં હતા. ત્યારે તેઓને બાતમી મળી હતી કે, કાછેલ ગામના ધાનુક ફળીયામાં રહેતા ભાવસિંગભાઈ ભૂલજીભાઈ રાઠવા પોતાની પાસે દેશી હાથ બનાવટનો તમંચો રાખે છે. આ બાતમી આધારે એસ.ઓ.જી.ની ટીમે બાતમી મુજબના ઘરે રેડ કરતા ભાવસિંગભાઇ ભૂલજીભાઈ રાઠવાના ઘરમાં રાખેલી પતરાની કોઠીમાં ગેરકાયદેસર રાખેલો લાયસન્સ પરવાના વગરનો દેશી હાથ બનાવટનો તમંચો મળી આવ્યો હતો.
દેશી હાથ બનાવટનો તમંચો ગેરકાયદે રાખવાના ગુનામાં છોટા ઉદેપુર જિલ્લા એસ.ઓ.જી. એ ભાવસીંગભાઈ ભૂલજીભાઈ રાઠવાની ધરપકડ કરી કાયદેસરની કાર્યવાહી હાથ ધરી હતી.