Gujarat
એ..ચોર..ચોર…ચોર.. પકડો..પકડો.. મંજુસર પંથકમાં ચોર આવ્યાની લોકબૂમ, ચોર અને પબ્લિક વચ્ચે પકડદાવ
સાવલી તાલુકાના મંજુસર પંથકમાં ચોર આવ્યા ચોર આવ્યા ની બુમો ના પગલે રહીશો માં ભારે ડર ની લાગણી પ્રસરી છે અને ઉજાગરા કરવાનો વારો આવ્યો છે જ્યારે મંજુસર પોલીસે અગમચેતી ના પગલે સોશિયલ મીડિયાના માધ્યમથી અફવાઓ થી સાવધાન અને સાવચેત રહેવા માટે અને સંકટ સમયે 100 નંબર પર ડાયલ કરવાની અપીલ કરતો મેસેજ વાયરલ કર્યો છે
સાવલી તાલુકામાં છેલ્લા ઘણા દિવસોથી ચોર આવ્યા ચોર આવ્યા ની બૂમો ઊઠવા પામી છે તેના કારણે ભારે ઉચાટ અને ઉશ્કેરાટ ની લાગણી ફેલાઇ છે તેના પગલે તાલુકા વાસીઓને ઉજાગરો કરવાનો વારો આવ્યો છે અને ખાસ કરીને મંજુસર પંથક માં વધુ બૂમો ઉઠી રહી છે તેના પગલે નાગરિકો પોતાની સુરક્ષા માટે અને ચોર ને ઝડપી પાડવા લાકડી ધારિયા પારિયા જેવા હથિયારો લઈને આખી રાત પહેરો ભરતા જોવા મળી રહ્યા છે અને ચોરની બુમો ના પગલે ભારે દોડધામના દ્રશ્યો સર્જાયા છે સાથે સાથે ભારે લોક ટોળા ભેગા થઈને પોતાની ગામની સીમો પાદર ,મહોલ્લા ઓ અને વિવિધ વિસ્તારોને મારક હથિયારો લઈને આખી રાત ફરી રહ્યા છે સાથે સાથે ટેમ્પો લઈને ચોરી કરતી ગેંગ ની ફરિયાદ મંજુસર પોલીસ મથકે એક મહિલા અને આઠ અજાણ્યા ઈસમો સામે ૪,૫૦ લાખની ચોરી નોંધાવા પામી છે આ ઘટનાના પગલે તાલુકાની પ્રજામાં ડરની લાગણી પ્રસરી ગઈ છે અને અજાણ્યા ચોરો ની ખબર થી થર થર કાંપી રહ્યા છે સમગ્ર ઘટનાની ગંભીરતા ને ધ્યાને લઈને પોલીસ વિભાગે રાત્રી પેટ્રોલિંગ સઘન બનાવ્યું છે અને હકીકત સુધી પહોંચવા કમર કસી છે અને કોઈ નિર્દોષ ના દંડાય તે માટે જરૂરી સૂચનો કરીને વિવિધ ગામના આગેવાનો અને સરપંચો સાથે મીટીંગો ગોઠવી છે અને મંજુસર પોલીસ મથકના પી આઇ કૌશિકભાઈ સિસોદિયાએ સોશિયલ મીડિયા થકી પ્રજા જોગ સંદેશ વાયરલ કર્યો છે અને કોઈ કોઈપણ અફવા થી ડરવાની જરૂરત નથી તેમ જ નોકરીયાત અને નવરાત્રી જોવા અને રમવા જતા ખેલૈયાઓને ચોર સમજીને હેરાન કરવાની જરૂર નથી જો કોઈ શંકાસ્પદ લાગે તો 100 નંબર પર ફોન કરવાની સમજ આપવામાં આવી છે.
કોઈ શંકાસ્પદ વ્યક્તિ અથવા ગતિવિધિ જણાય તો પોલીસ ને જાણ કરવા સમજ કરી છે અને ૧૦૦ નંબર પર ડાયલ કરવા સૂચન કર્યું છે તેમ છતાં જો કોઈપણ વ્યક્તિ કાયદો હાથમાં લેશે તો તેના વિરોધમાં કાયદેસરની કાર્યવાહી કરવાની ગર્ભિત ચીમકી ઉચ્ચારી છે અને પોલીસ ગમે તેવી પરિસ્થિતિને પહોંચી વળવા સક્ષમ છે અને સમગ્ર ઘટના પર પોલીસ નજર રાખી રહી છે તેવું જણાવીને તમામ પંથકવાસીઓને શાંતિ રાખવાની અપીલ કરવામાં આવી છે સાથે સાથે તાલુકાની પ્રજા પણ ખોટી અફવા ફેલાવનાર સામે કડક સાથે કાર્યવાહી કરે તેવી માંગ ઉઠી છે અને ઘટનાની ઊંડે સુધી તપાસ કરી સચ્ચાઈ સુધી પહોંચે અને કોઈ ચોર ટુકડી ફરતી હોય તો તેને વહેલી તકે નાગરિકોની સલામતી કાજે યોગ્ય અને કડક કાર્યવાહી કરે તેવી માંગ ઉઠી છે જ્યારે અજાણ્યા ચોરો ની બુમોના પગલે તાલુકા જનોને ઉજાગરો કરવાનો વારો આવ્યો છે