Panchmahal
સુખીયાપુરી ખાતે પ્રાકૃતિક કૃષિની તાલીમ શિબિર યોજાઈ
ખેડૂતોને વિવિધ યોજનાઓ,પ્રાકૃતિક કૃષિ અને મિલેટ ધાન્ય પાકો વિશે જાણકારી અપાઈ
પંચમહાલ જીલ્લામાં આંતરરાષ્ટ્રીય મિલેટ વર્ષ -૨૦૨૩ અને આઝાદી કા અમૃત મહોત્સવની ઉજવણીના ભાગરૂપે ખેતીવાડી અને આત્મા પ્રોજેકટ,પંચમહાલના સંયુક્ત ઉપક્રમે આજરોજ ગોધરા તાલુકાના રામપુર જોડકા-સુખીયાપુરી ગામે પ્રાકૃતિક ખેતી માટે તાલીમનું આયોજન કરાયું હતું.એ.પી.એમ.સી ચેરમેનના પ્રટાંગણમાં યોજાયેલ આ તાલીમમાં પ્રાકૃતિક કૃષિ,મિલેટ ધાન્ય પાકો,આત્મા પ્રોજેકટ,ખેતીવાડી, બાગાયત અને પશુપાલનની યોજનાઓ,ખેડૂત ખાતેદાર અકસ્માત વીમા યોજનાઓ વિશે ઉપસ્થિત ખેડૂતોને વિસ્તૃત માહિતી પૂરી પડાઈ હતી.
આ પ્રસંગે એ.પી.એમ.સી ચેરમેન રાજેન્દ્રભાઈ,આત્મા પ્રોજેકટ ડાયરેક્ટર પી.એસ.પટેલ,ખેતીવાડી વિભાગના યોગેશભાઈ પટેલ, બી.ટી.એમ વિશાલભાઈ શાહ, વિસ્તરણ અધિકારી શિલ્પાબેન પટેલ સહિત ગામના સરપંચ અને પ્રગતિશીલ ખેડૂતો મોટી સંખ્યામાં હાજર રહ્યા હતા.
