Politics
કર્ણાટક વિધાનસભા ચૂંટણી પહેલા કોંગ્રેસે કર્ણાટકમાં BPL પરિવારોને 10 કિલો મફત ચોખાનું વચન આપ્યું
કર્ણાટક વિધાનસભા ચૂંટણીને હવે ગણતરીના મહિનાઓ બાકી છે. દરમિયાન જનતાને રીઝવવાની કવાયત શરૂ થઈ ગઈ છે. પ્રદેશ કોંગ્રેસ અધ્યક્ષ ડીકે શિવકુમાર અને વિપક્ષના નેતા સિદ્ધારમૈયાએ શુક્રવારે પાર્ટીની ત્રીજી ગેરંટી જાહેર કરી. તેમણે કહ્યું કે જો વિધાનસભા ચૂંટણીમાં કોંગ્રેસ સત્તામાં આવશે તો બીપીએલ પરિવારોને દર મહિને 10 કિલો ચોખા મફત આપવામાં આવશે.
આ પહેલા પણ કોંગ્રેસ પાર્ટી દ્વારા બે મહત્વના વચનો આપવામાં આવ્યા છે. કોંગ્રેસે રાજ્યના લોકોને 200 યુનિટ વીજળી વિનામૂલ્યે આપવાની જાહેરાત કરી હતી, ત્યારબાદ પ્રિયંકા ગાંધીની હાજરીમાં ગરીબ પરિવારની ગૃહિણીને દર મહિને 2000 રૂપિયા આપવાની ખાતરી આપવામાં આવી હતી. કોંગ્રેસ પાર્ટીએ ચૂંટણી જાય ત્યાં સુધી નિયમિત અંતરે આવી મફત યોજનાઓ બહાર પાડવાની વ્યૂહરચના બનાવી છે.
કર્ણાટક કોંગ્રેસના પ્રદેશ અધ્યક્ષ ડીકે શિવકુમારે કહ્યું કે અમને રાજ્યની જનતાને, ખાસ કરીને મહિલાઓ અને યુવાનોને વચન આપતા ખૂબ જ આનંદ થાય છે કે, અન્ના ભાગ્ય યોજના હેઠળ, કોંગ્રેસ દરેક BPL પરિવારને 10 કિલો મફત ચોખાની ગેરંટી આપશે.
