Gujarat
અમદાવાદમાં કરાયો વાતાવરણ બગાડવાનો પ્રયાસ, પોલીસે કરી ત્રણ યુવકની ધરપકડ
ગુજરાતમાં વાતાવરણ બગાડવાનો પ્રયાસ કરવામાં આવ્યો છે. સોશિયલ મીડિયા દ્વારા પથ્થરમારાની અફવા ફેલાવવા બદલ ગુજરાત પોલીસે ચોક્કસ સમુદાયના ત્રણ યુવકોની ધરપકડ કરી છે. સત્તાવાર નિવેદન અનુસાર, આરોપીઓએ પોલીસને માહિતી આપી હતી કે અમદાવાદ શહેરના વાસણા વિસ્તારના ગુપ્તા નગર વિસ્તારમાં પથ્થરમારો થયો હતો. આરોપીઓએ ઉપરોક્ત માહિતી વોટ્સએપ ગ્રુપમાં મોકલી હતી. પોલીસના જણાવ્યા અનુસાર, આરોપીનો ઉદ્દેશ્ય લોકોમાં ભય કે ચિંતા ફેલાવવાનો હતો. પોલીસે આરોપીઓ સામે વિવિધ કલમો હેઠળ ગુનો નોંધ્યો છે. સાયબર ક્રાઈમ બ્રાન્ચના એક અધિકારીએ બુધવારે આ માહિતી આપી હતી.
સાયબર ક્રાઈમ દ્વારા જારી કરાયેલા નિવેદન મુજબ, પોલીસને મંગળવારે મોડી રાત્રે માહિતી મળી હતી કે વાસણા વિસ્તારના ગુપ્તા નગર વિસ્તારમાં કેટલાક અજાણ્યા શખ્સોએ પથ્થરમારો અંગે વોટ્સએપ પર મેસેજ ફરતો કર્યો હતો. જ્યારે વાસણા પોલીસ ગુપ્તા નગર વિસ્તારમાં પહોંચી તો આ દાવો ખોટો નીકળ્યો. પોલીસ દ્વારા નોંધાયેલી ફરિયાદના આધારે, વાસણાની સાયબર ક્રાઈમ બ્રાન્ચે બુધવારે સવારે અફવાઓ ફેલાવવા બદલ અજાણ્યા વ્યક્તિઓ વિરુદ્ધ FIR નોંધી હતી.
પોલીસ ઈન્સ્પેક્ટર બીએમ પટેલે જણાવ્યું- તપાસ બાદ સાઈબર ક્રાઈમ બ્રાન્ચે ત્રણ લોકોની ધરપકડ કરી હતી. આ લોકોએ જાણી જોઈને વિવિધ વોટ્સએપ ગ્રુપમાં અફવા મોકલી હતી. આરોપીઓ સામે ભારતીય દંડ સંહિતાની કલમ 505 (1) (b) હેઠળ લોકોમાં ભય અથવા ચિંતા ફેલાવવાના ઉદ્દેશ્ય સાથે કોઈપણ નિવેદન, અફવા અથવા અહેવાલ પ્રકાશિત કરવા અથવા ફેલાવવા સંબંધિત ગુનાઓ માટે ગુનો નોંધવામાં આવ્યો છે. ત્રણ આરોપીઓની ઓળખ જમાલપુર વિસ્તારના રહેવાસી ઓજેફ તિર્મીજી, ઈકબાલ અહેમદ ગોટીવાલા અને જુનૈદ નિલગર તરીકે થઈ છે.
