Entertainment
‘બ્રેકિંગ બેડ’ અભિનેતા માઈક બતાયેહનું 52 વર્ષની વયે હાર્ટ એટેકથી અવસાન થયું
માઈક બતાયેહનું 52 વર્ષની વયે નિધન થયું છે. તેઓ ‘બ્રેકિંગ બેડ’માં લોન્ડ્રોમેટ મેનેજર ડેનિસ માર્કોવસ્કીની ભૂમિકા ભજવવા માટે જાણીતા હતા. અભિનેતાનું તેમના મિશિગનના ઘરે સૂતી વખતે હૃદયરોગના હુમલાથી મૃત્યુ થયું હતું. તેના પરિવારે આ વાતની પુષ્ટિ કરી છે. અભિનેતાના અંતિમ સંસ્કાર 16 જૂને મિશિગનના પ્લાયમાઉથમાં રાઇઝન ક્રાઇસ્ટ લ્યુથરન ચર્ચમાં કરવામાં આવશે. કેટલાક અહેવાલોમાં તેમના સંબંધીઓને ટાંકીને કહેવામાં આવ્યું છે કે તેમનું મૃત્યુ અચાનક થયું હતું, તેમને ભૂતકાળમાં હૃદયની કોઈ સમસ્યા નહોતી.
પરિવારે આ વાત કહી
તેમના પરિવારે TMZ ને આપેલા નિવેદનમાં જણાવ્યું હતું કે, “જેઓ તેમને પ્રેમ કરતા હતા તેમને તેમની ખૂબ જ યાદ આવશે. તેમની પાસે લોકોને હસાવવા અને ઉત્સાહિત કરવાની અદભૂત ક્ષમતા હતી.” માઈક બટાયેહના એજન્ટ, આર્લેન થોર્ન્ટને યુએસએ ટુડેને આપેલા નિવેદનમાં જણાવ્યું હતું કે, “તે અમારા પ્રિય ગ્રાહકોમાંના એક હતા કારણ કે તે એક મહાન અભિનેતા અને ખૂબ જ રમુજી વ્યક્તિ હતા જેમની વિશ્વભરમાં ફેન ફોલોઈંગ હતી.”
આ ફિલ્મોમાં કામ કર્યું
જણાવી દઈએ કે માઈક 2011 થી 2012 દરમિયાન ‘બ્રેકિંગ બેડ’ના ત્રણ એપિસોડમાં જોવા મળ્યો હતો. તેણે ડેનિસ માર્કોસ્કીની ભૂમિકા ભજવી હતી, જે લવંડેરા બ્રિલાન્ટે ઇન્ડસ્ટ્રીયલ લોન્ડ્રોમેટના મેનેજર હતા. તે અમેરિકન ડ્રીમ્ઝ (2006), ધિસ નેરો પ્લેસ (2011) અને ડેટ્રોઇટ અનલીશ્ડ (2012) જેવી ફિલ્મોમાં પણ જોવા મળ્યો હતો. માઈક બતાયેહે છેલ્લે 2018ની ટેલિવિઝન ફિલ્મ ‘પ્રેંક ઓફ અમેરિકા’માં કામ કર્યું હતું.
