Panchmahal
પંચમહાલ જિલ્લામાં ડિજિટલ ઈન્ડિયા વીક ઉજવાશે
માહિતી બ્યુરો,ગોધરા
દેશભરમાં ડિજિટલ ઈન્ડિયા સપ્તાહની ઉજવણી અંતર્ગત પંચમહાલ જિલ્લામાં આગામી તા. ૨૫ થી ૩૧ જુલાઈ સુધી ‘ડિજિટલ ઈન્ડિયા વીક-૨૦૨૩’ની ઉજવણી કરવામાં આવશે. પંચમહાલ જિલ્લા કલેક્ટરના માર્ગદર્શન હેઠળ ડિજિટલ ઈન્ડિયા સપ્તાહની ઉજવણી ડિજિટલ રીતે કરવામાં આવશે. તા.૨૬ થી ૩૧મી જુલાઈ દરમિયાન વેબકાસ્ટ,વીસી આધારિત સત્રો યોજાશે.
આ સત્રમાં રાષ્ટ્રીય સ્તરના વક્તાઓ દ્વારા સાઇબર સિક્યુરિટી,આર્ટિફિશિયલ ઈન્ટેલિજન્સ, બ્લોક ચેઈન,આઈ.ઓ.ટી. અને જી.આઈ.એસ વગેરે વિષય ઉપર માહિતી આપવામાં આવશે. ડિજિટલ ઈન્ડિયા વીક-૨૦૨૩ સાથે જોડાવા માટે https://www.nic.in/diw2023-reg/ લિંક પર નામ નોંધણી સાથે રજિસ્ટ્રેશન કરી શકાશે.જીલ્લાના નાગરિકોને અનુરોધ કરવામાં આવે છે કે ઉપરોક્ત લિંક મારફતે આપ આપનું રજીસ્ટ્રેશન કરી શકો છો.
