Panchmahal
ફતેસિંહ ચૌહાણના હસ્તે ૧૫માં નાણાંપંચની ગ્રાન્ટમાંથી પાણીના ટેન્કરોનું વિતરણ
પંચમહાલ જિલ્લાના ઘોઘંબા તાલુકાના ગામોને કાલોલના ધારાસભ્ય ફતેસિંહ ચૌહાણના હસ્તે પીવાના પાણીના ટેન્કરનું વિતરણ કરવામાં આવ્યું હતું મળેલ વિગતો અનુસાર આજ રોજ પંચમહાલ જિલ્લાની ખરોડ જિલ્લા પંચાયતના ગલીબીલી baps સ્વામિનારાયણ મંદિર ખાતે ખરોડ જિલ્લા પંચાયતમાં આવતી ગ્રામ પંચાયતો ગલીબીલી,ગમાણી, ગોદલી,ખરોડ,ઊંચાબેડા,ઝોઝ, ગરમોટિયા અને માલુ ગ્રામ પંચાયતને કાલોલ વિધાનસભાના ધારાસભ્ય ફતેસિંહ ચૌહાણના હસ્તે જિલ્લા પંચાયતના ૧૫માં નાણાંપંચની જિલ્લા કક્ષાની ગ્રાન્ટમાંથી પાણીના ૦૮ (આઠ) જેટલા ટેન્કરોનું વિતરણ કરવામાં આવ્યું હતું.
આ પ્રસંગે કાલોલ ધારાસભ્ય ફતેસિંહ ચૌહાણ,ઘોઘંબા તાલુકા પંચાયત માજી પ્રમુખ છેલુભાઈ રાઠવા , ખરોડ જિલ્લા પંચાયત સદસ્ય જયાબેન રમેશભાઈ રાઠવા સહિતના સરપંચો, આગેવાનો ઉપસ્થિત રહ્યા હતા.
