Gujarat
મંજુસર જીઆઈડીસી માં હાઈડ્રોલિક ડમ્પર વીજવાયરને અડી જતાં ડમ્પરમાં આગ: બે ના મોત
(અવધ એક્સપ્રેસ દ્વારા સાવલી)
સાવલી તાલુકાના મંજુસર જી આઇ ડી સી માં આવેલ એચ પી સી એલ ચોકડી પાસે ગટરમાં કચરો ખાલી કરતી વેળાએ ઈલેક્ટ્રીક વાયર કરી જતા ડમ્પરમાં આગ લાગતા બે ઈસમો નું કરૂણ મૃત્યુ નિપજતા ચકચાર મચી જવા પામી છે
મળતી માહિતી પ્રમાણે મંજુસર જી આઈ ડી સી માં એચ પી સી એલ ગોડાઉન ની નજીક ગટરમાં કેટલાક ઈસમો ઔદ્યોગિક કચરો ખાલી કરી રહ્યા હતા જેમાં કચરો ખાલી કરતી વેળાએ ડમ્પર નંબર જી જે 06 એ યુ 4551 નો હાઇડ્રોલિક ઊંચું કરતા ડમ્પર ઉપરથી પસાર થતી ૧૧ કે વી ની વીજ લાઈનને અડકી ગયું હતું જેના પગલે ડમ્પર જોત જોતામાં ભડભડ સળગી ઊઠ્યું હતું અને ભારે દોડધામના દ્રશ્યો સર્જાયા હતા અને બનાવના પગલે રાહદારીઓના ટોળા ભેગા થઈ ગયા હતા ભરીને ઔદ્યોગિક કચરો ખાલી કરવા આવેલા ડમ્પર ઊંચું કરતા ઉપરથી પસાર થતી ૧૧ કેવી વીજ લાઈનને ડમ્પર અડી જતા બે ઈસમો બળીને ભસ્મિ ભૂત થઈ ગયા.અને બે ગંભીર રીતે દાઝ્યા હતા બનવાના પગલે જી આઈ ડી સી ના ફાયર ફાઇટ રે સળગતું ડમ્પર ઓલવ્યું હતું
આ સંદર્ભે મંજુસર પોલીસ મથકે ફરિયાદી દીપક સિંહ રોશન સિંહ ચૌહાણ હાલ રહે પ્લોટ નંબર ૮૬૧/૧ રોયલ સ્ટીલ મકરપુરા જીઆઇડીસી વડોદરા ના એ પોતાની ફરિયાદમાં નોંધાવ્યું છે કે આજે સવારે 9:00 વાગ્યાની આસપાસ પોતે તથા શેર રિયાઝ સિદ્દીકી તથા મોમીન રજા ઉર્ફે છોટુ રીયાદ સિદ્દીકી તથા સરફરાજ ઉર્ફે પતન્ના હુસેન નાઓ પોતાના શેઠ નાઝીર હુશેન મોગલગારા નું ભારતબેઝ કંપનીનું ડમ્પર મકરપુરા જીઆઇડીસી થી કચરો ભરીને મંજુસર જીઆઇડીસી ખાતે ગોડાઉનમાં નાખવા આવ્યા હતા તે સમયે ગોડાઉન પર કામ કરતા સિક્યુરિટીએ ગોડાઉનની કમ્પાઉન્ડ દિવાલ ની બહાર ની જગ્યામાં કચરો ખાલી કરવા જણાવ્યું હતું જેથી શેરરઝા રિયાઝ સિદ્દીકી એ ડમ્પર બહાર ગટરમાં લગાવીને હાઇડ્રોલિક કરીને કચરો ખાલી કરતા હતા તે વખતે ડમ્પર આગળ પાછળ કરતા અને હાઇડ્રોલિક કરતા બોડીને ઉપરથી પસાર થતી ઇલેક્ટ્રિસિટી નો વાયર અડી જતાં ટાયર માં આગ લાગી હતી જેથી પોતે સળગતા ટાયર ઉપર માટી નાખતા હતા જ્યારે મુલ્લો તથા પતન્ના નામના ઈસમો દૂર ઉભા હતા તે વખતે મોમીન રજા ઉર્ફે છોટુ રિયાઝ સિદ્દીકી ડમ્પરને અડી જતા તેને કરંટ લાગ્યો હતો અને ડ્રાઈવર શેર રઝા રિયાઝ સિદ્દીકી ગાડીમાંથી નીચે ઉતરતો હતો ત્યારે તેને પણ કરંટ લાગ્યો હતો અને સળગતા ડમ્પરમાં બંને ઈસમો સળગી ઊઠ્યા હતા આમ અચાનક ગાડીમાં આગ લાગવાથી અને પોતાના બંને મિત્રો સળગવાથી પોતે બેહોશ થઈ ગયા હતા અને હાજર જનોએ 108 મારફતે વડોદરા સારવાર અર્થે ખસેડ્યા હતા આ બનાવમાં (૧) શેરરઝા રિયાઝ સિદ્દીકી (૨) મોમીન રઝા ઉર્ફે છોટુ રિયાઝ સિદ્દીકી .હાલ રહે રોયલ સ્ટીલ મકરપુરા જી આઈ ડી સી વડોદરા પ્લોટ નંબર ૮૬૧/૧ બંને સગા ભાઈઓ નું કરૂણ મૃત્યુ નિપજ્યું હતું જ્યારે બે ને સામાન્ય ઇજા થઈ હતી બનાવ ના સ્થળે મંજુસર પોલીસ મામલતદાર સહિત ઘટના સ્થળે પહોંચ્યા હતા પોલીસે હાલ અકસ્માત મોત રજીસ્ટર કરી તપાસ હાથ ધરી છે
તસવીરમાં સાવલીના મંજુસર જીઆઇડીસી માં ડમ્પરથી કચરો ખાલી કરતી વેળાઈ વીજ વાયરને પડી જતા સળગતું ડમ્પર નજરે પડે છે