Health
એનિમિયાની સમસ્યાને દૂર કરવા માટે ખાઓ આ વસ્તુઓ, એક મહિનામાં જ દેખાશે અસર
શરીરમાં એનિમિયા આજકાલ સામાન્ય સમસ્યા બની ગઈ છે. લોહીની ઉણપને એનિમિયા કહેવાય છે. જ્યારે લોહીમાં હિમોગ્લોબીનની માત્રા ઓછી થઈ જાય છે ત્યારે એનિમિયાની સ્થિતિ સર્જાય છે. ભારતીય મહિલાઓમાં એનિમિયા એ સામાન્ય સમસ્યા છે. સામાન્ય રીતે, સ્ત્રીઓના લોહીમાં હિમોગ્લોબિનનું પ્રમાણ 12 થી 16 ગ્રામ પ્રતિ ડીએલ હોય છે. બીજી તરફ, પુરુષોમાં 14 થી 18 ગ્રામ પ્રતિ dl હિમોગ્લોબિન જોવા મળે છે. જ્યારે શરીરમાં આ પ્રમાણ કરતાં ઓછું હોય તો તેને એનિમિયાની નિશાની માનવામાં આવે છે.
જે લોકો એનિમિયાથી પીડાય છે તેઓને ભૂખ નથી લાગતી, નબળાઈ અનુભવાય છે અને હૃદયના ધબકારા ઓછા થવાની સમસ્યા હોય છે. લોકોમાં એનિમિયાની ફરિયાદો મોટાભાગે કમળો, પાઈલ્સ, અકસ્માતમાં વધુ પડતા રક્તસ્ત્રાવને કારણે અને સ્ત્રીઓમાં પ્રસૂતિ વખતે થતી હોય છે. જો તમે પણ એનિમિયાથી પીડિત છો, તો કેટલાક ઘરેલુ ઉપચારથી એનિમિયાથી બચી શકાય છે. ચાલો જાણીએ કે વસ્તુઓ ખાવાથી એનિમિયા દૂર થાય છે અને એનિમિયાથી છુટકારો મળે છે.
સફરજન અને બીટનો રસ
હેલ્થ એક્સપર્ટના મતે સફરજન અને બીટરૂટના સેવનથી શરીરમાં લોહીની ઉણપને પૂરી કરી શકાય છે. દરરોજ એક કપ સફરજન અને અડધો કપ બીટરૂટનો રસ પીવાથી લોહીમાં હિમોગ્લોબીનની માત્રા વધે છે. જો તમે ઈચ્છો તો માત્ર બીટરૂટના જ્યુસનું સેવન કરી શકો છો, તેનાથી એનિમિયાની સમસ્યા દૂર થઈ શકે છે.
દૂધ અને તલ
એનિમિયાની ફરિયાદ હોય તો કાળા તલ દૂધ સાથે પીવો. આ માટે કાળા તલને બે કલાક પલાળી રાખો. ત્યાર બાદ તલની પેસ્ટ બનાવી લો. એક ચમચી તલની પેસ્ટ મધ અને દૂધમાં ભેળવીને ખાઓ. તેનાથી લોહીની સમસ્યા દૂર થાય છે.
પાલક ખાવું
લીલા પાંદડાવાળા શાકભાજી પોષણથી ભરપૂર હોય છે. પાલકને આયર્નનો સારો સ્ત્રોત માનવામાં આવે છે. નિષ્ણાતો પાલક ખાવાની સલાહ આપે છે. એનિમિયામાં પાલકના સૂપનું સેવન ફાયદાકારક છે.
કિસમિસ
એનિમિયા દૂર કરવા માટે તમારા આહારમાં કિસમિસ અને સૂકા આલુનો પણ સમાવેશ કરી શકાય છે. તે આયર્નનો ઉત્તમ સ્ત્રોત છે.