કર્ણાટકમાં ચૂંટણીની તારીખો થઇ જાહેર, 10 મેના રોજ વિધાનસભાની ચૂંટણી અને 13મે ના રોજ પરિણામ આવશે

કર્ણાટકમાં વિધાનસભા ચૂંટણીનું બ્યુગલ આજે વાગી ગયું છે. ચૂંટણી પંચે રાજ્યની તમામ 224 બેઠકો માટે ચૂંટણીની તારીખ જાહેર કરી છે. મુખ્ય ચૂંટણી કમિશનર રાજીવ કુમારે કર્ણાટક વિધાનસભા ચૂંટણીને લઈને પ્રેસ કોન્ફરન્સ કરી હતી. ચૂંટણી પંચે રાજ્યની તમામ વિધાનસભા બેઠકો પર એક જ તબક્કામાં વિધાનસભા ચૂંટણી કરાવવાની જાહેરાત કરી છે. ચૂંટણી સંબંધિત મોટી બાબતો.

• કર્ણાટકમાં વિધાનસભા ચૂંટણી માટે 10 મેના રોજ મતદાન થશે. પરિણામ 13 મેના રોજ આવશે.
• કર્ણાટકમાં કુલ મતદારોની સંખ્યા 5,21,73,579 છે. જેમાં પુરૂષ મતદારોની સંખ્યા 2.6 કરોડ જેટલી છે.
• 80 વર્ષથી વધુ ઉંમરના મતદારો અને વિકલાંગ મતદારોને ઘરે બેસીને મતદાન કરવાની સુવિધા મળશે.
• રાજ્યમાં પ્રથમ વખત લગભગ 9.17 લાખ મતદારો મતદાન કરશે.
• મતદાન માટે રાજ્યભરમાં કુલ 58,282 મતદાન મથકો ઉભા કરવામાં આવ્યા છે. તેમાંથી 20,868 મતદાન મથકો શહેરી વિસ્તારોમાં છે. 29 હજારથી વધુ મતદાન મથકો પર વેબકાસ્ટિંગ કરવામાં આવશે.
• રાજીવ કુમારે જણાવ્યું કે લગભગ 1,320 મતદાન મથકો પર માત્ર મહિલા કર્મચારીઓ જ હાજર રહેશે.
• 240 મતદાન મથકોને મોડલ મતદાન મથકો બનાવવામાં આવશે. યુવાનોને મતદાન મથકો સુધી લાવવા માટે 224 મતદાન મથકો પર યુવાનો જ બંદોબસ્ત ગોઠવશે.