Offbeat
જોયું છે ક્યારેય ૧૭ ઇંચ લાંબું અને એક ફુટ પહોળું પગના પંજાનું નિશાન: જાણો કોનું હશે તે
પેન્સિલ્વેનિયામાં એક હાઇકરને ૧૭ ઇંચ લાંબા અને એક ફુટ પહોળા પગના પંજાનું નિશાન મળ્યું છે. પોતાની વાતને સાબિત કરવા તેણે આ ફુટના ફોટો પણ લીધા છે. તે તેના પરિચિત એવા વુડલૅન્ડ વિસ્તારમાં ફરી રહ્યો હતો, જ્યાં તેણે મહાકાય બિગફુટ ટ્રૅક શોધી કાઢ્યો હતો. એમાંનું સૌથી મોટું નિશાન ૧૭ ઇંચ લાંબું અને એક ફુટની પહોળાઈ ધરાવતું હતું.
આ ટ્રૅકના ફોટો લઈને બિગફુટ ફીલ્ડ રિસર્ચર્સ ઑર્ગેનાઇઝેશન (બીએફઆરઓ) પેજ પર મૂક્યા છે અને કૅપ્શનમાં લખ્યું છે કે ‘આ વિસ્તારમાં હું ત્રણ વર્ષ હતો તથા અહીં કાદવમાં મેં અનેક નાનાં-મોટાં પદચિહનો જોયાં છે. આમાં સૌથી મોટું પગનું નિશાન ૧૭ ઇંચ લાંબું અને એક ફુટ પહોળું છે.’
