Gujarat
હાલોલ ટાઉન પોલીસની જુગારધામ ઉપર લાલ આંખ ફાટાતળાવથી પાંચ જુગારી ઝડપાયા
હાલોલના ફાટા તળાવ ફળિયામા કેટલાક ઇસમો જુગાર રમી રહ્યા હોવાની બાતમી હાલોલ ટાઉન પોલીસ મથકના પીઆઈ કે.એ.ચૌધરી નાઓને મળતા પીઆઈ કે.એ.ચૌધરી અને તેમની ટીમ દ્વારા બાતમી વાળી જગ્યાએ છાપો મારીને ગંજીપાના ઉપર પૈસાની લેવડદેવડનો જુગાર રમતા પાંચ ઈસમો ને ઝડપી પાડ્યા હતા.જ્યારે પોલીસ રેડ દરમ્યાન પત્તા પાનાંનો જુગાર રમતા ઈસમો માં નાસભાગ મચી જવા પામી હતી.પોલીસે પાંચ ઈસમો સાથે 11,920 રૂ. અને પત્તા પાનાંનો મુદ્દામાલ જપ્ત કરી તમામ સામે કાર્યવાહી કરી છે. પ્રાપ્ત વિગતો અનુસાર હાલોલના ફાટા તળાવ ફળિયામાં ટીનાભાઈ અમરસિંગભાઈ બારીયાનાઓ ના ઘરની પાછળ ઝાડની નીચે કેટલાક ઇસમો ભેગા મળી જુગાર રમી રહ્યા હોવાની જાણ હાલોલ ટાઉન પોલિસનાં પીઆઈ ને થતા પોલીસે સ્ટાફ સાથે છાપો મારતા જે તે સ્થળે કેટલાક ઈસમો ટોળું વળી બેઠેલા જણાતા પોલીસે ચારે તરફ ઘેરો કરી છાપો મારતા જુગાર રમી રહેલા પાંચ ઈસમોમાં
ટીનભાઈ અમરસિંગભાઈ બારીયા,સુરેશભાઈ ઉર્ફે બોડો આત્મારામ વાઘેલા,રાકેશભાઈ હીરાભાઈ રાઠવા,શેલેશભાઈ દલસિંગભાઈ રાઠવા તેમજ જીવનભાઈ સંજયભાઈ નાઓ પોલીસના હાથે ઝડપાઇ જતા તમામ ને હાલોલ ટાઉન પોલીસ મથકે લાવવામાં આવ્યા હતા.પોલીસે સ્થળ ઉપર અંગ જડતી અને દાવ ઉપર લગાવવમાં આવેલી રકમ 11,920 રૂ.નો મુદ્દામાલ જપ્ત કરી તમામ સામે જુગારધારા હેઠળ ગુનો નોધી કાયદેસરની કાર્યવાહી હાથ ધરી છે.
