Gujarat
કચ્છના અખાતથી લઇ અયોધ્યા સુધી ASIએ 47 સ્થળોએ ખોદકામ માટે આપી મંજૂરી
ASI એ ગુજરાતના કચ્છના અખાત અને ઉત્તર પ્રદેશમાં અયોધ્યામાં ગોમતી નદી સહિત દેશભરમાં ઘણા સ્થળોએ ખોદકામની કામગીરીને મંજૂરી આપી છે. એક વરિષ્ઠ અધિકારીએ મંગળવારે આ જાણકારી આપી. ભારતીય પુરાતત્વ સર્વેક્ષણ (ASI) એ મોડી રાત્રે એક ટ્વિટમાં સાઇટ્સની સૂચિ શેર કરી, જેમાં ASIની 31 સાઇટ્સ, વિવિધ રાજ્ય સરકારોની 16 સાઇટ્સ શામેલ છે. 31 સ્થળોની યાદી જ્યાં ASI ખોદકામ કરશે તેમાં દિલ્હીના પુરાણા કિલાનો સમાવેશ થાય છે, જ્યાં ખોદકામનો નવો તબક્કો તાજેતરમાં શરૂ થયો હતો.
અધિકારીએ કહ્યું કે ભારતમાં કરવામાં આવતા આવા કોઈપણ ખોદકામને ASI દ્વારા મંજૂરી આપવામાં આવે છે, જેમાં રાજ્ય અથવા કોઈપણ જાહેર અથવા ખાનગી સંસ્થા સામેલ હોય.
આ યાદીમાં દિલ્હીનો જૂનો કિલ્લો પણ સામેલ છે.
ASIની આ યાદીમાં દિલ્હીનો જૂનો કિલ્લો પણ સામેલ છે. આ કિલ્લો 16મી સદીનો હોવાનું માનવામાં આવે છે, જે શેર શાહ સૂરી અને બીજા મુગલ સમ્રાટ હુમાયુ દ્વારા બનાવવામાં આવ્યો હતો. અત્યારે આ કિલ્લો હજારો વર્ષનો ઈતિહાસ લઈને ઉભો છે. પદ્મ વિભૂષણ પ્રો. બીબી લાલે વર્ષ 1954 અને 1969-73માં કિલ્લા અને તેના પરિસરની અંદર ખોદકામનું કામ પણ કર્યું હતું.