Business
હવે સરળતાથી મેળવો તમારા બાળકનું પાન કાર્ડ, જાણો સંપૂર્ણ પ્રક્રિયા
આજે પાન કાર્ડ એક મહત્વપૂર્ણ દસ્તાવેજ બની ગયું છે. તેનો ઉપયોગ અનેક સરકારી અને બિનસરકારી કામોમાં થાય છે. આ સિવાય ઈન્કમ ટેક્સ રિટર્ન ભરવા માટે પણ પાન કાર્ડ ફરજિયાત છે. શું તમે જાણો છો કે તમે સગીર એટલે કે 18 વર્ષથી ઓછી ઉંમરના વ્યક્તિ માટે બનાવેલ પાન કાર્ડ પણ મેળવી શકો છો. આનો અર્થ એ થયો કે હવે ટીનેજર માટે પણ પાન કાર્ડ બનાવી શકાશે.
તમને જણાવી દઈએ કે સગીર પોતે પાન કાર્ડ માટે અરજી કરી શકતા નથી. બાળકના PAN કાર્ડની અરજી ફક્ત માતાપિતા દ્વારા કરવામાં આવે છે. આવકવેરા વિભાગના નિયમો અનુસાર, ભારતમાં ITR ફાઈલ કરવાની કોઈ મર્યાદા નથી. જો કોઈ વ્યક્તિ દર મહિને 15,000 રૂપિયા કમાય છે, તો પણ તેણે ITR ફાઇલ કરવી પડશે. રિટર્ન ફાઈલ કરવા માટે પાન કાર્ડ હોવું ખૂબ જ જરૂરી છે. આવકવેરા વિભાગે રિટર્ન ફાઈલ કરવા માટે કોઈ ઉંમર નક્કી કરી નથી.
સગીરને પાન કાર્ડની જરૂર કેમ પડે છે?
- બાળકના નામે રોકાણ કરતી વખતે આ જરૂરી છે.
- જ્યારે માતા-પિતા તેમના રોકાણ યોજનામાં બાળકને નોમિની બનાવે છે.
- જ્યારે સગીરના નામે બેંક ખાતું ખોલવામાં આવે છે.
- સગીર દ્વારા કમાયેલી આવક માટે પણ પાન કાર્ડ જરૂરી છે.
PAN કાર્ડ માટે કેવી રીતે અરજી કરવી
- તમારે NSDL (નેશનલ સિક્યોરિટીઝ ડિપોઝિટરી લિમિટેડ) ની સત્તાવાર વેબસાઇટ પર જવું પડશે.
- આ પછી તમારે ફોર્મ 49A ભરવાનું રહેશે. આ માટે તમારે તમામ માર્ગદર્શિકા ધ્યાનથી વાંચવી પડશે.
- તમારે બાળકનું વય પ્રમાણપત્ર, માતા-પિતાની સહી અને તેમનો ફોટો અપલોડ કરવાનો રહેશે.
- આ પછી તમારે પાન કાર્ડ બનાવવા માટે 107 રૂપિયાની ફી ચૂકવવી પડશે.
- ફી ભર્યા પછી તમને એક રસીદ નંબર મળશે.
- તમે રસીદ નંબર દ્વારા પાન કાર્ડની સ્થિતિ જાણી શકો છો.
- PAN કાર્ડ માટે અરજી કર્યા પછી, તમને 15 દિવસની અંદર ઈમેલ પર કન્ફર્મેશન મળશે. વેરિફિકેશન પ્રક્રિયા પૂર્ણ થયા પછી, તે 15 દિવસમાં તમારા ઘરના સરનામા પર આવી જશે.
