Panchmahal
ગોદલીના કુખ્યાત બુટલેગર ભોદુએ સગીર પુત્રને દારૂની હેરાફેરી માં ધકેલી ગુનેગાર બનાવ્યો
ખરોડ ગામેથી LCBએ વિદેશી દારૂનો જથ્થો પકડી બે ઇસમો સામે ગુનો નોંધ્યો જેમાં ગોદલી નો કુખ્યાત અને મોટી મોટી ગાડીઓનું કટીંગ કરતો ભોદુ રાઠવાના પુત્ર નું નામ બહાર આવ્યું છે ત્યારે ભણવાની ઉમરે ભોદુએ સગીર પુત્ર પાસે દારૂની હેરફેર કરાવી તેને પણ ગુનેગારોની દુનિયામાં ધકેલ્યો હતો જે ખરોડ ગામે થી દારૂ લઈને પસાર થતાં ઇસમો સાથે તે પણ સામેલ હોવાનું FIR માં ખુલ્યુ
પંચમહાલ જિલ્લા એલસીબી પોલીસની ટીમ ઘોઘંબા વિસ્તારમાં પેટ્રોલિંગ માં હતી તે દરમ્યાન જિલ્લા એલસીબી ગોધરા શાખાના પીઆઈ ને બાતમી મળી હતી કે ઘોઘંબા તાલુકાના ગોદલી ગામનો સુનિલભાઈ ભોદૂભાઈ રાઠવા તથા તેની સાથે એક અન્ય ઇસમ સાથે મળી એક મોટર સાયકલ ઉપર ભારતીય બનાવટ નો વિદેશી દારૂનો જથ્થો લઇ ઘોઘંબાના ખરોડ ગામેથી નીકળવાના છે જે બાતમીના આધારે જિલ્લા એલસીબી પોલીસે ખરોડ ગામે વોચ ગોઠવી હતી તે દરમ્યાન બાતમી વાળી મોટર સાયકલ આવતા મોટર સાયકલ પર સવાર બંને ઇસમો એ દૂરથી પોલીસને જોઈ જતા બાઈક રોડ પર મૂકી ઝાડી ઝાંખરા નો લાભ લઇ ભાગી છુટયા હતા જ્યારે પોલીસે મોટર સાયકલ પર તપાસ કરતા મોટર સાયકલ પર થી વિદેશી દારૂનો જથ્થો મળી આવ્યો હતો જેમાં બીયરના ટીન તથા પ્લાસ્ટિક નાં ક્વોટરીયા કુલ 197 નંગ જેની કિંમત 34460 રૂ.તેમજ પ્લસર મોટર સાયકલ જેની અંદાજે કિંમત 55000 મળી કુલ 89,460 રૂ.નો મુદ્દામાલ ઝડપી સુનિલભાઈ ભોદૂભાઈ રાઠવા તથા તેની સાથે એક અન્ય ઇસમ સામે જિલ્લા એલસીબી પોલીસે રાજગઢ પોલીસ મથકે પ્રોહિબીશન નો ગુનો નોંધી કાયદેસરની કાર્યવાહી હાથ ધરી છે
