Business
નવા વર્ષે આવ્યા સારા સમાચાર, એલપીજી સિલિન્ડર થયું સસ્તું, કંપનીઓએ પેટ્રોલ અને ડીઝલમાં પણ આપી રાહત!
નવા વર્ષ પહેલા એલપીજી સિલિન્ડર ગ્રાહકો માટે સારા સમાચાર છે. જો કે, રાજસ્થાન સરકાર દ્વારા આપવામાં આવેલા સારા સમાચારનો લાભ ગ્રાહકોને 1 એપ્રિલથી મળવા લાગશે. રાજસ્થાનના મુખ્યમંત્રી અશોક ગેહલોતે સોમવારે એક જનસભાને સંબોધિત કરતા BPL અને ઉજ્જવલા યોજનાના લાભાર્થીઓને સારા સમાચાર આપ્યા. તેમણે કહ્યું કે 1 એપ્રિલ, 2023થી બંને શ્રેણીમાં આવતા પરિવારોને સસ્તા એલપીજી સિલિન્ડર મળશે. તેમણે ઉજ્જવલા યોજનાના લોકોને દર વર્ષે 500 રૂપિયાના દરે 12 સિલિન્ડર આપવાની જાહેરાત કરી હતી.
કિંમત રૂ. 400 થી વધીને રૂ. 1,040 થઇ છે
તેમણે એમ પણ જણાવ્યું કે રાજસ્થાનમાં આવતા મહિને બજેટ રજૂ કરવામાં આવશે, જેમાં મોંઘવારીનો બોજ ઘટાડવા માટે કિચન કિટનું વિતરણ કરવાની યોજના લાવવામાં આવશે. ગેહલોતે આ દરમિયાન એમ પણ કહ્યું કે, ઉજ્જવલા યોજના હેઠળ પીએમ મોદી ગરીબોને એલપીજી કનેક્શન અને ગેસ સ્ટવ આપે છે પરંતુ સિલિન્ડર ખાલી રહે છે. ગેસ સિલિન્ડરની કિંમત હવે 400 રૂપિયાથી વધીને 1,040 રૂપિયા થઈ ગઈ છે.
છેલ્લે 22 મેના રોજ કાપવામાં આવ્યો હતો
બીજી તરફ ક્રૂડ ઓઈલની કિંમતમાં ચાલી રહેલી નરમાઈ વચ્ચે ઓઈલ કંપનીઓએ પેટ્રોલ અને ડીઝલના ભાવમાં ગ્રાહકોને રાહત આપી છે. છેલ્લા લગભગ સાત મહિનાથી ઓઈલ કંપનીઓ તરફથી દરમાં કોઈ ફેરફાર કરવામાં આવ્યો નથી. મે 2022 માં, પેટ્રોલની કિંમત 100 રૂપિયાને પાર કર્યા પછી, કેન્દ્ર સરકારે 22 મે 2022 ના રોજ પેટ્રોલ અને ડીઝલ પરની એક્સાઇઝ ડ્યુટીમાં ઘટાડો કરવાની જાહેરાત કરી.
આ ફેરફાર બાદ પેટ્રોલ 8 રૂપિયા અને ડીઝલ 5 રૂપિયા પ્રતિ લીટર સસ્તું થયું છે. આ પછી કેટલીક રાજ્ય સરકારોએ પણ પેટ્રોલ અને ડીઝલ પર વેટ ઘટાડીને જનતાને રાહત આપી છે. આ દરમિયાન ક્રૂડના ભાવમાં પણ વધારો થયો હતો, પરંતુ તેલ કંપનીઓએ ભાવમાં કોઈ ફેરફાર કર્યો ન હતો. તાજેતરમાં ક્રૂડ એક સમયે ઘટીને 75 ડોલર પ્રતિ બેરલ થઈ ગયું હતું. મંગળવારે સવારે બ્રેન્ટ ક્રૂડ 80.64 ડોલર પ્રતિ બેરલ પર જોવામાં આવ્યું હતું.