International
નેપાળમાં છ લોકોને લઈ જતું હેલિકોપ્ટર ગુમ, બચાવ માટે ટીમ રવાના
નેપાળથી મોટા સમાચાર સામે આવી રહ્યા છે. અહીં છ લોકો સાથેનું એક હેલિકોપ્ટર ગુમ થયું છે. હેલિકોપ્ટરમાં પાંચ વિદેશી નાગરિકો સવાર હતા. તમામ મેક્સિકોના હતા.
હેલિકોપ્ટર 12 હજાર ફૂટથી વધુની ઉંચાઈ પર ઉડી રહ્યું હતું
ત્રિભુવન ઈન્ટરનેશનલ એરપોર્ટ (TIA)ના મેનેજર જ્ઞાનેન્દ્ર ભુલે જણાવ્યું હતું કે માનંગ એર હેલિકોપ્ટર 9N-AMV સોલુખુમ્બુ જિલ્લાના સુરકે એરપોર્ટ પરથી સવારે 10:04 વાગ્યે કાઠમંડુ માટે ઉડાન ભરી હતી. જો કે, સવારે 10:13 વાગ્યે 12,000 ફૂટથી વધુની ઊંચાઈએ અચાનક તેનો સંપર્ક તૂટી ગયો હતો.
બચાવ માટે હેલિકોપ્ટર મોકલવામાં આવ્યું
નેપાળના નાગરિક ઉડ્ડયન મંત્રાલયે ટ્વીટ કર્યું કે હેલિકોપ્ટરમાં છ લોકો સવાર હતા, જેમાંથી પાંચ મુસાફરો અને એક કેપ્ટન હતો. શોધ અને બચાવ માટે કાઠમંડુથી અલ્ટીટ્યુડ એર હેલિકોપ્ટર રવાના કરવામાં આવ્યા છે.હિમાલયન ટાઈમ્સ અખબારના અહેવાલ મુજબ,
હેલિકોપ્ટરમાં સવાર મુસાફરોમાં પાંચ મેક્સીકન નાગરિકો હોવાનું કહેવાય છે, જેમની ઓળખ હજુ સુધી જાહેર કરવામાં આવી નથી. પાયલોટ વરિષ્ઠ કેપ્ટન ચેત બી ગુરુંગ છે.
ટીઆઈએના પ્રવક્તા ટેકનાથ સિતૌલાએ માયરેપબ્લિકા ન્યૂઝ વેબસાઈટને જણાવ્યું કે, જ્યારે લમજુરા પાસ પહોંચ્યું ત્યારે મનંગ એર હેલિકોપ્ટરનો સંપર્ક તૂટી ગયો. અમને Viber પર માત્ર ‘હેલો’ સંદેશા મળ્યા છે.
મનંગ એરલાઈનની સ્થાપના ક્યારે થઈ હતી?
1997 માં સ્થપાયેલ, મનંગ એર એ કાઠમંડુ સ્થિત હેલિકોપ્ટર એરલાઇન છે. તે નેપાળના નાગરિક ઉડ્ડયન સત્તામંડળના નિયમન હેઠળ નેપાળી પ્રદેશમાં કોમર્શિયલ એર ટ્રાન્સપોર્ટમાં હેલિકોપ્ટર ચલાવે છે. કંપની ચાર્ટર્ડ સેવાઓ પ્રદાન કરે છે અને વ્યક્તિગત સેવાઓ જેમ કે એડવેન્ચર ફ્લાઇટ્સ, હેલિકોપ્ટર પ્રવાસ અથવા અભિયાન કાર્ય પર ધ્યાન કેન્દ્રિત કરે છે.
