Crime
વોટ્સએપ પર અશ્લીલ વીડિયો બનાવીને બ્લેકમેલ કરી રહ્યું છે તો તરત જ કરો આ કામ
આજના ડીજીટલ યુગમાં છેતરપિંડી અને બ્લેકમેઈલીંગની ઘટનાઓ સતત સામે આવી રહી છે. છેલ્લા કેટલાક વર્ષોમાં આને લગતા કેસોમાં રેકોર્ડ વધારો થયો છે. ફિશિંગ એટેક દ્વારા વ્યક્તિના બેંક ખાતામાંથી પૈસા ઉપાડવાની હોય કે પછી વીડિયો બનાવીને કોઈને બ્લેકમેલ કરવાની હોય, આ ઘટનાઓ હવે સામાન્ય બની ગઈ છે. બ્લેકમેલિંગ સંબંધિત ઘણા કેસોમાં વ્યક્તિ ડરી જાય છે આ કારણે તે પોતાની જિંદગીની કમાણી બ્લેકમેલરને આપી દે છે. ઘણા કિસ્સાઓમાં, વ્યક્તિ આવી ઘટનાથી એટલો ગભરાઈ જાય છે કે તે આત્મહત્યા પણ કરી લે છે.
આવા અનેક કિસ્સાઓ સતત પ્રકાશમાં આવી રહ્યા છે. આવી સ્થિતિમાં તમારા માટે એ જાણવું જરૂરી છે કે જો કોઈ તમારો વીડિયો બનાવીને તમને બ્લેકમેલ કરી રહ્યું છે તો? આ સ્થિતિમાં ગભરાટ વિના શું કરવું જોઈએ? પાછલા વર્ષોમાં, આવા ઘણા કિસ્સાઓ પ્રકાશમાં આવ્યા છે, જેમાં કેટલીક યુવતીઓ લોકોને વોટ્સએપ પર કોલ કરે છે અને તેમનો અશ્લીલ વીડિયો બનાવે છે. આ પછી, આ વીડિયો લીક કરવાની ધમકી આપીને લોકો પાસેથી પૈસા પડાવવાનો પ્રયાસ કરવામાં આવે છે.
આ સમય દરમિયાન તેઓને ખૂબ ડરાવવામાં આવે છે અને ધમકાવવામાં આવે છે. જો તમારી સાથે પણ આવું કંઈક થાય છે, તો તમારે આ સ્થિતિમાં ગભરાવાની જરૂર નથી. આ દરમિયાન, તમારે સૌથી પહેલા બ્લેકમેલરનો નંબર અને અન્ય મહત્વપૂર્ણ માહિતી એકત્રિત કરવાની રહેશે.
આ માહિતી ખૂબ જ મહત્વપૂર્ણ છે, તે પુરાવા તરીકે ઉપયોગી થશે. આ પછી, તમે ભારત સરકારની સત્તાવાર વેબસાઇટ cybercrime.gov.in પર આ તમામ પુરાવા સાથે તમારી ફરિયાદ નોંધાવી શકો છો.તમારી ફરિયાદ બાદ તાત્કાલિક પગલાં લેવામાં આવશે. નોંધનીય છે કે જો કોઈ તમારો વીડિયો વાયરલ કરવાની ધમકી આપીને પૈસા માંગે છે તો તમારે તે વ્યક્તિને પૈસા આપવાની ભૂલ ન કરવી જોઈએ. તમારા પૈસા આપ્યા પછી પણ તે વ્યક્તિ તમારી પાસેથી વારંવાર પૈસાની માંગ કરશે. આમાં, તમારી જીવનભરની કમાણી ખોવાઈ શકે છે.