Gujarat
હાલોલ માં સ્વતંત્રતા ઉજવણી તાલુકા સેવા સદન ખાતે ધારાસભયના હસ્તે ધ્વજવંદન
હાલોલ નગરમાં આજે 78 માં સ્વતંત્રતા પર્વની રંગે ચંગે ઉજવણી કરવામાં આવી હતી, નગરની સરકારી કચેરીઓ ખાતે સવારે રાષ્ટ્રીય ધ્વજ ફરકાવવામાં આવ્યો હતો જેમાં તાલુકા પંચાયત ખાતે ધારાસભ્યની ઉપસ્થિતિમાં ઉજવણી કરાઇ હતી જ્યારે નગરપાલિકા ખાતે પાલિકાના સૂપરવાઈઝર પંકજકુમાર ના હસ્તે ધ્વજ વંદન કરવામાં આવ્યું હતું જ્યારે હાલોલ રૂરલ પોલીસ મથકે પીએસઆઈ જે. ડી. તરાલ તેમજ ટાઉન પોલીસ મથકે Asi ભાવસિંહ ધરમસિંહ ના હસ્તે ધ્વજ વંદન કરવામાં આવ્યું હતું જેમાં મોટી સંખ્યામાં પોલીસ કર્મીઓ ઉપસ્થિત રહ્યા હતા
જ્યારે હાલોલ નગરની કલરવ શાળા ખાતે પણ 78 માં સ્વતંત્રતા પર્વની રંગે ચંગે ઉજવણી કરાઇ હતી જેમાં શાળાના શિક્ષિકા મનીષા બેન વાળંદ ના હસ્તે ધ્વજ વંદન કરવામાં આવ્યું હતું જ્યારે આ પ્રસંગે રાષ્ટ્રગાન કરી માતૃભૂમિ માટે સર્વસ્વ ખપાવી દેનારા વીર શહીદોને યાદ કરવામાં આવ્યા હતા તો નગરની સરકારી શાળાઓમાં પણ રંગે ચંગે બાળકોએ સ્વતંત્રતા દિવસને ઉજવ્યો હતો.હાલોલ ની પ્રાંત કચેરી તેમજ મામલતદાર કચેરી ખાતે અધિકારીઓ તેમજ પદાધિકારીઓ દ્વારા ધ્વજવંદન કાર્યક્રમ યોજવામાં આવ્યો, જેમાં મોટી સંખ્યા માં સરકારી કર્મચારીઓ અને નગરજનો એ હાજરી આપી હતી
