National
માહિતી મંત્રાલનો ટીવી ચેનલો માટે નિર્દેશ, ગંભીર ગુના કે આતંકવાદના આરોપી લોકોને પ્લેટફોર્મ ન આપો
સૂચના અને પ્રસારણ મંત્રાલયે તમામ ટીવી ન્યૂઝ ચેનલોને સલાહ આપી છે કે તેઓ પ્રતિબંધિત સંગઠનો સાથે સંકળાયેલા અથવા આતંકવાદ અને ગંભીર અપરાધિક કેસોનો સામનો કરી રહેલા લોકોને પ્લેટફોર્મ આપવાનું ટાળે.
ખાનગી ટીવી ચેનલોને જારી કરાયેલ એડવાઈઝરીમાં મંત્રાલયે કહ્યું કે તે તેના ધ્યાન પર આવ્યું છે કે એક વિદેશી પર આતંકવાદ સહિતના ગંભીર ગુનાહિત કેસોનો સામનો કરવો પડી રહ્યો છે. તેમને એક ટેલિવિઝન ચેનલ પર ચર્ચા માટે આમંત્રણ આપવામાં આવ્યું હતું.
મંત્રાલયે કહ્યું કે ચર્ચા દરમિયાન વ્યક્તિએ આવી ઘણી ટિપ્પણીઓ કરી જે ભારતની સાર્વભૌમત્વ અને અખંડિતતા અને તેની સુરક્ષા માટે હાનિકારક છે. મંત્રાલયે તે વ્યક્તિ કે ચેનલનું નામ જાહેર કર્યું નથી. મંત્રાલયે કહ્યું છે કે તે વ્યક્તિની ટિપ્પણીને કારણે દેશમાં જાહેર વ્યવસ્થા ખોરવાઈ જવાની આશંકા હતી.
મંત્રાલયે કહ્યું કે સરકાર મીડિયાની સ્વતંત્રતાનું સમર્થન કરે છે અને બંધારણ હેઠળ તેના અધિકારોનું સન્માન કરે છે, પરંતુ ટીવી ચેનલોએ ટેલિવિઝન નેટવર્ક્સ (રેગ્યુલેશન) એક્ટ 1995ની જોગવાઈઓનું પાલન કરવું પડશે અને તે હેઠળ જ સામગ્રીનું પ્રસારણ કરવું પડશે.
