Tech
Android છોડી પહેલીવાર iPhone ખરીદી રહ્યા છો? તો આ ચાર વાતનું ખાસ રાખજો ધ્યાન
ઘણીવાર લોકોને કહેતા સાંભળ્યું છે કે, જે લોકો Android વાપરી રહ્યા હોય તેમને Apple iPhoneમાં ફાવટ આવતા થોડીવાર લાગે છે. જો કે, iPhone એક બ્રાન્ડ કરતા પણ વધારે સ્ટેટસ સિમ્બોલ હોવાથી નિયમિત કેટલાય લોકો આ ફોન ખરીદતા હશે અને તેમાથી મોટાભાગના તો Android ફોન યૂઝ કરનારા જ હશે. તમે તે વાત સારી રીતે જાણો છો કે, Android અને iOS બંને અલગ-અલગ ઓપરેટિંગ સિસ્ટમ પ્લેટફોર્મ છે. પરંતુ જો તમે જીવનમાં પહેલીવાર Androidમાંથી iOSમાં શિફ્ટ થઈ રહ્યા છો તો અહીંયા તમને ચાર એવી જરૂરી વાતો જણાવી રહ્યા છીએ જે તમારા માટે જાણવી ખૂબ જરૂરી છે. એ વાત સાચી છે કે આઈફોન મોડલ્સ તેજ હોય છે પરંતુ સ્વિચ કરતા પહેલા આ બાબતોને જાણવા તમારા માટે જરૂરી છે.
WhatsApp Backup નહીં કરી શકો એક્સસ
જો તમે તમારા WhatsApp Android સ્માર્ટફોન પર ડેટાનો બેકઅપ લઈ રહ્યા છો તો તેને આઈફોનમાં એક્સેસ નહીં કરી શકો. તેવું એટલા માટે કારણ કે, Android ડિવાઈસમાં બેકઅપ ગુગલ ડ્રાઈવ પર હોય છે જ્યારે Apple ડિવાઈસમાં આઈક્લાઉડ પર. જો કે, કેટલીક રીત છે પરંતુ એટલી અસરકારક નથી તો તેવામાં તમે વોટ્સએપ ડેટા ગુમાવવા માટે તૈયાર રહો જો તમે એન્ડ્રોઈડથી આઈફોનમાં સ્વિચ કરી રહ્યા છો તો.
ડેટા ટ્રાન્સફર
પહેલીવાર Androidથી iPhoneમાં શિફ્ટ થઈ રહ્યા છો તો, તમારો ડેટા ટ્રાન્સફર પ્રોસેસર જાણવું જરૂરી છે. તેવામાં એક મામલે તમે રાહતનો શ્વાસ લઈ શકો છો કારણ કે એન્ડ્રોઈડથી આઈફોનમાં ડેટા ટ્રાન્સફર કરવો સરળ છે. માત્ર આટલું જ નહીં, તમે તમારી તમામ ગુગલ એપ્સને આઈફોનમાં ડાઉનલોડ કરી શકો છો. એન્ડ્રોઈડ સ્માર્ટફોન્સમાં તો ગુગલ એપ્સ પ્રી-ઈન્સ્ટોલ આવે છે, પરંતુ આઈફોનમાં નહીં, તમે એપ સ્ટોર પર જઈને તેને ડાઉનલોડ કરી શકો છો.
ચાર્જિસ સાથે જોડાયેલી આ સુવિધા નહીં મળે
જો તમે Android Smartphoneમાં ફાસ્ટ ચાર્જિંગ સપોર્ટના દીવાના છે તો iPhoneમાં આ બધું ભૂલી જાઓ. જો કે, આઈફોનમાં ચાર્જિંગ સ્પીડ સુપર સ્લો નથી હોતી પરંતુ એટલી પણ ઝડપી નથી જેટલી આજકાલના Flagship Smartphones તમને ઓફર કરે છે.
આઈફોનમાં નહીં મળે આ સેન્સર
લેટેસ્ટ જનરેશનવાળા આઈફોન મોડલ્સ વગર ટચ આઈડી સાથે આવી રહ્યા છે. જો તમને ફેસ અનલોકથી વધારે ફિંગરપ્રિન્ટ સેન્સર પસંદ છે તો તમારા આઈફોનમાં સ્વિચ કર્યા બાદ આ સેન્સરની કમી લાગશે.
