Entertainment
દમદાર ડાયલોગ્સ સાથે ‘Kuttey’ નું મોશન પોસ્ટર થયું રિલીઝ, જબરદસ્ત લુકમાં જોવા મળ્યો અર્જુન કપૂર
બોલિવૂડ એક્ટર અર્જુન કપૂરની બહુપ્રતિક્ષિત ફિલ્મ ‘કુટ્ટે’નું મોશન પોસ્ટર આજે રિલીઝ કરવામાં આવ્યું છે. ફિલ્મની મોશન પોસ્ટની સાથે તેની રિલીઝ ડેટ પણ જાહેર કરવામાં આવી છે. આ ફિલ્મમાં અર્જુન કપૂરની સાથે તબ્બુ, કોંકણા સેન શર્મા, કુમુદ મિશ્રા, રાધિકા મદન, શાર્દુલ ભારદ્વાજ અને નસીરુદ્દીન શાહ મુખ્ય ભૂમિકામાં જોવા મળશે. ફિલ્મના ટીઝરમાં તેના પાત્રો જબરદસ્ત એક્શન અવતારમાં જોવા મળે છે. દર્શકો ઘણા સમયથી વિશાલ ભારદ્વાજના પુત્ર આસમાન ભારદ્વાજની આ ફિલ્મની રાહ જોઈ રહ્યા છે.
ફિલ્મનું મોશન પોસ્ટર શેર કરતાં અર્જુન કપૂરે લખ્યું, ‘1 हड्डी और 7 कुत्ते, भसड़ शुरू होने दो .’ અર્જુને અન્ય એક પોસ્ટમાં લખ્યું છે કે, ‘कमीनों की दुनिया के लालची कुत्ते.. ફિલ્મ 13 જાન્યુઆરીએ સિનેમાઘરોમાં રિલીઝ થઈ રહી છે.’ ફિલ્મના મોશન પોસ્ટરમાં જબરદસ્ત ડાયલોગ્સની સાથે ગોળીબારનો અવાજ પણ સંભળાય છે, જેનાથી લાગે છે કે ફિલ્મમાં જબરદસ્ત એક્શન પણ જોવા મળશે.
આસમાન ભારદ્વાજે સ્કૂલ ઓફ વિઝ્યુઅલ આર્ટ્સ, NYCમાંથી ફિલ્મ મેકિંગમાં સ્નાતકની ડિગ્રી મેળવી છે. કુટ્ટેનું દિગ્દર્શન કરતા પહેલા, આસમાન ભારદ્વાજે સાત ખૂન માફ, મટરુ કી બિજલી કા મંડોલા અને પટાખામાં તેના પિતાને મદદ કરી હતી. ફિલ્મનું સંગીત વિશાલ ભારદ્વાજનું છે અને ગીતો ગુલઝારે લખ્યા છે. ફિલ્મ ‘ઈશકઝાદે’થી પોતાના કરિયરની શરૂઆત કરનાર અર્જુન કપૂરની ફિલ્મોમાં એક્શન, કોમેડી અને રોમાન્સ બધુ જ જોવા મળે છે. બોલિવૂડ ડેબ્યૂ પહેલા અર્જુન કપૂરે ‘કલ હો ના હો’, ‘સલામ-એ-ઈશ્ક’ જેવી ફિલ્મોમાં આસિસ્ટન્ટ ડિરેક્ટર તરીકે કામ કર્યું હતું. અર્જુન કપૂરના વર્કફ્રન્ટ વિશે વાત કરીએ તો, તે આગામી સમયમાં ભૂમિ પેડનેકર સાથે ‘ધ લેડી કિલર’માં જોવા મળશે. અર્જુન કપૂર છેલ્લે ફિલ્મ ‘એક વિલન રિટર્ન્સ’માં જોવા મળ્યો હતો, જે બોક્સ ઓફિસ પર ખાસ કમાલ કરી શકી નહોતી.
