Gujarat
રાજગઢ પી.એસ.આઇ આર.એસ.(રાવડી)રાઠોડે ભાણપુરામાં રેડ પાડી વિદેશી દારૂનો જથ્થો ઝડપી પાડ્યો
(અવધ એક્સપ્રેસ દ્વારા)
પંચમહાલ જિલ્લાના ઉચ્ચ પોલીસ અધિકારીઓએ દારૂની બદી રોકવા માટે રાજગઢ પોલીસને સૂચના આપી હતી તેના અનુસંધાને રાજગઢ પોલીસ સ્ટેશનના પી.એસ.આઇ R.S.રાઠોડ પોલીસ સ્ટાફ સાથે પેટ્રોલિંગમાં હતા તે દરમિયાન પીએસઆઇને બાતમી મળી હતી કે ભાણપુરા ગામે રહેતો રાજેન્દ્ર ઉર્ફે ભદી અર્જુનભાઈ પરમાર પોતાના ઘરના પાછળના ભાગે આવેલ ખેતરમાં વિદેશી દારૂનો જથ્થો સંતાડી રાખેલ છે તે બાતમીના આધારે રેડ પાડતા ઘરના પાછળના ભાગે આવેલ ખેતરમાંથી 2,53,980 નો ભારતીય બનાવટનો વિદેશી દારૂનો જથ્થો મળી આવ્યો હતો જેમાં ૪૫૬ નંગ બીયર 1200 નંગ કોટરીયા તથા 60 નંગ વિસ્કીની બોટલોનો જથ્થો ઝડપી પાડી રાજગઢ પોલીસ સ્ટેશન ખાતે લાવવામાં આવ્યો હતો રાજગઢ પોલીસને જોતા આરોપી ભદી ભાગી છૂટ્યો હતો.
અત્રે ઉલ્લેખનીય છેકે રાજગઢ પીએસઆઇ આર.એસ.રાઠોડે દારૂની બદી ને નાથવા માટે સ્પેશિયલ ટીમ બનાવી છે જેમાં પીએસઆઇ આર.એસ.રાઠોડની આગેવાની હેઠળ ચંપકસિંહ, દેવરાજસિંહ, અનિલકુમાર, રાજેન્દ્રસિંહ તથા રાહુલકુમાર જેવા નવયુવાન પોલીસ કર્મચારી ની ટીમ દારૂ તેમજ અન્ય ગુનાહિત પ્રવૃત્તિઓને રોકવા માટે દિવસ રાત સતર્ક રહી પ્રશંસનીય કામગીરી કરી રહ્યા છે