Dahod
નકલી બિન ખેતી હુકમોમાં ભૂમાફિયા બિલ્ડર શૈશવ નો ઓફિસ બોય વોન્ટેડ રામુ પંજાબી એક સટ્ટાકિંગની રહેમ નજર હેઠળ
(ગોધરા)
દાહોદના બહુ ચર્ચિત નકલી બિન ખેતી હુકમોમાં ભૂમાફિયા બિલ્ડર શૈશવ પરીખ ની ધરપકડ સાથે ભૂગર્ભ માં સરકી ગયેલ રામુપંજાબી, એક ક્રિકેટ સટ્ટાકિંગ ની મહેરબાનીઓ ના ઓથા હેઠળ ભૂગર્ભમાં આસરો લઈ રહ્યો હોવાની ગુફ્તગુઓની ચર્ચાઓએ ભારે જોર પકડ્યું છે જોકે સરકારના કરોડો રૂપિયાનો પ્રીમિયમ ની ચોરીઓ કરનારા બહુ ચર્ચિત નકલી બિન ખેતી હુકમો તૈયાર કરીને દાહોદ સિટીસર્વે કચેરી માથી બારોબાર પ્રોપર્ટી કાર્ડ જનરેટ કરાવી આપવાના સઘળા ખેલો માં વગદાર ભૂમાફિયા બિલ્ડર શૈશવ ના ઇશારે ઑફિસ બોય રામુ પંજાબી પોતે સરકારી કચેરીઓનો સઘળો વહીવટ કરતો હોવાનું ઝડપાયેલા આરોપીઓ અને અન્ય જમીન માલિકોની પૂછપરછો દરમિયાન બહાર આવી રહ્યું છે. દાહોદ પોલીસ તંત્રની તપાસ ટીમો છેલ્લા ત્રણ મહિનાઓથી વોન્ટેડ રામુ પંજાબીની શોધખોળો કરી રહી છે પરંતુ રામુ પંજાબીના કોઈ સઘડ મળતા નથી.
દાહોદ પોલીસ તંત્ર દ્વારા નકલી બિનખેતી ના હુકમો સામે ફરિયાદ દાખલ થતાવેંત પ્રથમ દિવસે જ વગદાર બિલ્ડર શૈશવ પરીખની ધરપકડ કરી હતી પોતાના બહાર આવેલા ગોરખ ધંધાઓમાં રામુ પંજાબીએ આ કારનામાઓ કર્યા હોવાનું જણાવીને શૈશવ પોતે નિર્દોષ હોવાના દેખાવો કર્યા હતા જોકે નકલી બિન ખેતી હુકમોમાં શૈશવભાઈ ની ધરપકડ ની ખબરો સાથે દાહોદ માથી પલાયન થઈ ગયેલા રામુ પંજાબીએ અતિ સ્ફોટક બની ગયેલા નકલી બિન ખેતી હુકમના મહા કૌભાંડ માથી બચવા માટે ભારે ધમપછાડાઓ પણ કર્યા હતા આમાં નિષ્ફળતા મળતા વોન્ટેડ રામુ પંજાબી એક સટ્ટાકિંગ ચહેરાની મહેરબાનીઓ હેઠળ ભૂગર્ભમાં આશ્રય લઈ રહ્યો હોવાની ચર્ચાઓ ક્રમશઃ બહાર આવી રહી છે