Sports
આ ટીમના મુખ્ય કોચ બન્યા રિકી પોન્ટિંગ, MLC 2024 પહેલા મળી મોટી જવાબદારી
અમેરિકાની T20 લીગ મેજર લીગ ક્રિકેટની બીજી સિઝન 4 જુલાઈથી શરૂ થશે. આ લીગ ઓગસ્ટની શરૂઆતમાં સમાપ્ત થશે. આ લીગની શરૂઆત પહેલા એક ટીમે ઓસ્ટ્રેલિયાના પૂર્વ કેપ્ટન રિકી પોન્ટિંગને મોટી જવાબદારી સોંપી છે. આ ટીમે મેજર લીગ ક્રિકેટની આગામી સિઝન પહેલા રિકી પોન્ટિંગને તેની ટીમના મુખ્ય કોચ તરીકે નિયુક્ત કર્યા છે.
રિકી પોન્ટિંગ આ ટીમના મુખ્ય કોચ બન્યા
ઓસ્ટ્રેલિયાના ભૂતપૂર્વ કેપ્ટન રિકી પોન્ટિંગને અમેરિકાની મેજર લીગ ક્રિકેટ (MLC)ની બીજી સીઝન પહેલા વોશિંગ્ટન ફ્રીડમ ફ્રેન્ચાઇઝીના મુખ્ય કોચ તરીકે નિયુક્ત કરવામાં આવ્યા છે. પોન્ટિંગ ઈન્ડિયન પ્રીમિયર લીગ (IPL) ટીમ દિલ્હી કેપિટલ્સનો મુખ્ય કોચ પણ છે. રિકી પોન્ટિંગે વોશિંગ્ટન ફ્રીડમ સાથે બે વર્ષનો કરાર કર્યો છે. ઓસ્ટ્રેલિયાના સૌથી સફળ કેપ્ટનોમાંના એક પોન્ટિંગ ગ્રેગ શેફર્ડનું સ્થાન લેશે. આ T20 લીગની બીજી સિઝન છ ટીમો વચ્ચે રમાશે.
ટીમમાં સામેલ થવા પર રિકી પોન્ટિંગે આ વાત કહી
પોન્ટિંગે એક નિવેદનમાં કહ્યું કે હું 2024માં વોશિંગ્ટન ફ્રીડમમાં જોડાવા માટે ખૂબ જ ઉત્સાહિત છું. અમેરિકામાં ક્રિકેટ ખરેખર વિકસી રહ્યું છે અને હું મેજર લીગ ક્રિકેટનો ભાગ બનવા આતુર છું. પોન્ટિંગે કહ્યું કે વોશિંગ્ટન ફ્રીડમ તરફથી ઓફર મળ્યા બાદ તેણે દિલ્હી કેપિટલ્સના માલિકોની સલાહ લીધી હતી કારણ કે આ IPL ફ્રેન્ચાઇઝીની અન્ય MLC ટીમમાં હિસ્સો છે.
પોન્ટિંગે સિડની મોર્નિંગ હેરાલ્ડને જણાવ્યું હતું કે જ્યારે મારો પ્રથમ વખત સંપર્ક કરવામાં આવ્યો હતો, ત્યારે મેં સૌથી પહેલું કામ દિલ્હીને ફોન કર્યું હતું અને તેમને તેમાં કોઈ સમસ્યા નહોતી. જોકે, દિલ્હી કેપિટલ્સને આનાથી કોઈ સમસ્યા નહોતી, જે ખૂબ સારી બાબત છે. તમને જણાવી દઈએ કે દિલ્હી કેપિટલ્સના સહ-માલિક GMR ગ્રુપની અન્ય MLC ફ્રેન્ચાઈઝી સિએટલ ઓરકાસમાં હિસ્સો છે.