Business
આજે શેર માર્કેટની ધમાકેદાર શરૂઆત સેન્સેક્સ 73000 અને નિફ્ટી 22000 ને પાર
શેરબજારની શરૂઆત આજે પણ રેકોર્ડ બ્રેક રહી હતી. BSE સેન્સેક્સ પ્રથમ વખત 73000 ની ઉપર ખુલ્યો. આજે સોમવારે સપ્તાહના પ્રથમ કારોબારી દિવસે સેન્સેક્સ 481 અંકના ઉછાળા સાથે 73049 ના સ્તર પર ખુલ્યો હતો. જ્યારે NSE નિફ્ટી 158 પોઈન્ટના બમ્પર વધારા સાથે 22053 પર ખુલ્યો હતો. શેરબજારની આ તેજી હાલ ચાલુ રહી શકે છે. બજારના જાણકારોનું કહેવું છે કે ખૂબ જ ટૂંક સમયમાં નિફ્ટી 22400ના સ્તરને સ્પર્શી શકે છે.
સ્ટોક માર્કેટ લાઈવ 9:20 AM: આઈટી કંપનીઓ વિપ્રો, ટેક મહિન્દ્રા, એચસીએલ ટેક, ઈન્ફોસીસ, ટીસીએસના બળ પર સેન્સેક્સ-નિફ્ટી શરૂઆતના વેપારમાં ઈતિહાસ રચી રહ્યા છે. સેન્સેક્સ 611 પોઈન્ટના બમ્પર ઉછાળા સાથે 73180 ના સ્તરે પહોંચ્યો હતો. નિફ્ટી પણ 167 પોઈન્ટ ઉછળીને 22061 ના સ્તર પર છે.
શેરબજારે ગયા સપ્તાહે ઈતિહાસ રચ્યો છે. NSE નિફ્ટી 21928 ની સર્વકાલીન ઊંચી સપાટીએ પહોંચી ગયો છે અને BSE સેન્સેક્સ 72720 ની સર્વકાલીન ઊંચી સપાટીને સ્પર્શ્યો છે. આ અઠવાડિયે, HDFC બેંક, HUL, Asian Paints, IndusInd Bank અને UltraTech Cement જેવી મોટી કંપનીઓ તેમના પરિણામો જાહેર કરશે. જેની અસર શેરબજાર પર પડશે. આજે શેરબજારની હિલચાલ હોલસેલ પ્રાઇસ ઇન્ડેક્સ આધારિત ફુગાવાના ડેટા પર નિર્ભર રહેશે. ડિસેમ્બરના જથ્થાબંધ ફુગાવાના આંકડા આજે આવી રહ્યા છે.
આ શેરો આજે ફોકસમાં રહેશે
અદાણી એન્ટરપ્રાઈઝ: તેની પેટાકંપની અદાણી ન્યુ ઈન્ડસ્ટ્રીઝે ગ્રીન હાઈડ્રોજન ટ્રાન્ઝિશન સ્કીમ માટે વાર્ષિક 198.5 મેગાવોટની ઈલેક્ટ્રોલાઈઝર-મેન્યુફેક્ચરિંગ ક્ષમતા સ્થાપિત કરવા માટે સોલાર એનર્જી કોર્પોરેશન ઓફ ઈન્ડિયા (SECI) પાસેથી કરાર મેળવ્યો છે.
વિપ્રો: વિપ્રોએ ડિસેમ્બર ક્વાર્ટરમાં IT સેવાઓમાંથી રૂ. 22,150.8 કરોડની આવક મેળવી હતી, જે અગાઉના ક્વાર્ટર કરતાં 1.09% નીચી છે.
HCL ટેક્નૉલૉજી: કંપનીએ અપેક્ષાઓ કરતાં વધુ પ્રદર્શન કર્યું અને ડિસેમ્બર ક્વાર્ટરમાં નફામાં 13.5% વૃદ્ધિ નોંધાવી ₹4,350 કરોડ નોંધાવ્યા. આવક પણ 6.7% વધીને ₹28,446 કરોડ થઈ છે.