Gujarat
ઘોઘંબામાં રાષ્ટ્રીય સ્વયંસેવક સંઘ દ્વારા શસ્ત્ર પૂજન તથા પથ સંચાલન
ઘોઘંબા તાલુકા મથકે વિજયાદશમીના પાવન પર્વ નિમિત્તે રાષ્ટ્રીય સ્વયંસેવક સંઘ અને શિવ શક્તિ મંડળ ઘોઘંબા દ્વારા નગર ખાતે પથ સંચાલન અને હિન્દુ સમાજ માટે શસ્ત્ર પૂજન કાર્યક્રમ કરવામાં આવ્યો. આ કાર્યક્રમમાં શિવ શક્તિ મંડળ અને રાષ્ટ્રીય સ્વયં સેવક સંઘના સ્વયંસેવકો સ્વયંભૂ રીતે ગણવેશ સાથે શિસ્ત બધ્ધ રીતે પથ સંચાલનમાં જોડાયા હતા.
બીએપીએસ સ્વામિનારાયણ મંદિર ઘોઘંબાથી એસ.એચ.વરીયા હાઇસ્કુલ ઘોઘંબા સુધી તમામ સ્વયંસેવકોએ પથ સંચાલનમાં ભાગ લીધો હતો. તથા આજુબાજુના ગામોમાંથી મોટી સંખ્યામાં સ્વયંસેવકો સ્વયંભૂ રીતે ઉપસ્થિત રહી પથ સંચાલનમાં જોડાયા હતા.
સમગ્ર કાર્યક્રમ પંથ સંચાલન ઘોઘંબા નગરના મુખ્ય માર્ગ પરથી પસાર થતા તાલ, કદમ અને સંગીતના સથવારે લોકોમાં આકર્ષણ જમાવ્યું હતું. નગરજનો દ્વારા પુષ્પ વર્ષા કરવામાં આવી હતી. આ કાર્યક્રમ એસ.એચ.વરિયા હાઈસ્કૂલ ખાતે સમાપન કરવામાં આવ્યો હતો.