Sports
shefali verma : શેફાલી વર્માએ ભારતીય U19 ટીમને બનાવી T20 વર્લ્ડ કપ ચેમ્પિયન, એમએસ ધોની-વિરાટ કોહલીની ક્લબમાં જોડાઈ
shefali verma શેફાલી વર્માએ ભારતીય મહિલા ક્રિકેટમાં ઈતિહાસ રચ્યો છે. શેફાલી વર્મા વર્લ્ડ કપ ટાઈટલ જીતનારી પ્રથમ ભારતીય મહિલા કેપ્ટન બની હતી. ભારતીય અંડર-19 મહિલા ક્રિકેટ ટીમે રવિવારે પોચેફસ્ટ્રુમમાં ICC મહિલા અંડર-19 T20 વર્લ્ડ કપનો ખિતાબ જીત્યો, જેના કારણે શેફાલી વર્માએ ઐતિહાસિક સિદ્ધિ મેળવી.
ભારતીય ટીમે ફાઈનલ મેચમાં ઈંગ્લેન્ડને સાત વિકેટે હરાવ્યું અને ICC મહિલા અંડર-19 T20 વર્લ્ડ કપની પ્રથમ ચેમ્પિયન બનવાનું ગૌરવ પ્રાપ્ત કર્યું. શેફાલી વર્મા એમએસ ધોની અને વિરાટ કોહલી જેવા દિગ્ગજોની એક વિશિષ્ટ ક્લબમાં પણ જોડાઈ હતી.
એમએસ ધોનીએ ભારતની ત્રણેય ICC ટ્રોફી જીતી હતી. વિરાટ કોહલીએ પોતાના નેતૃત્વમાં ભારતને અંડર-19 ચેમ્પિયન બનાવ્યું હતું. શેફાલીએ ભારતીય મહિલાઓને T20 વર્લ્ડ કપ ચેમ્પિયન પણ બનાવ્યું અને તે આ વિશિષ્ટ ક્લબનો ભાગ બની. આ યાદીમાં મોહમ્મદ કૈફ અને પૃથ્વી શૉ જેવા કેપ્ટનના નામ પણ સામેલ છે.
(shefali verma)ભારતીય મહિલા ક્રિકેટ ઈતિહાસમાં આ જીત ખૂબ જ ખાસ હતી કારણ કે આ પહેલા સિનિયર ટીમ ઘણી વખત વર્લ્ડ કપની ફાઇનલમાં પહોંચી હતી, પરંતુ ક્યારેય ટાઈટલ જીતી શકી ન હતી. આ પ્રથમ વખત હતું જ્યારે ભારતીય ટીમે ફાઇનલમાં જીત મેળવીને વર્લ્ડ ચેમ્પિયન બનવાનું ગૌરવ પ્રાપ્ત કર્યું હતું. ચાલો તમને જણાવીએ કે કયા કેપ્ટનોએ ભારતને વર્લ્ડ કપનો ખિતાબ જીતાડ્યો અને ICC ટ્રોફી જીતી.
ICC ટ્રોફી જીતનાર ભારતીય કેપ્ટનોની યાદી
- કપિલ દેવ – 1983 વર્લ્ડ કપ
- મોહમ્મદ કૈફ – 2000 ICC અંડર-19 વર્લ્ડ કપ
- સૌરવ ગાંગુલી – 2002 ICC ચેમ્પિયન્સ ટ્રોફી (શ્રીલંકા સાથે સંયુક્ત વિજેતા)
- એમએસ ધોની – 2007 ICC T20 વર્લ્ડ કપ
- વિરાટ કોહલી – 2008 ICC અંડર-19 વર્લ્ડ કપ
- એમએસ ધોની – 2011 આઈસીસી વર્લ્ડ કપ
- ઉન્મુક્ત ચંદ – 2012 ICC અંડર-19 વર્લ્ડ કપ
- એમએસ ધોની – 2013 ચેમ્પિયન્સ ટ્રોફી
- પૃથ્વી શો – 2018 ICC અંડર-19 વર્લ્ડ કપ
- યશ ધુલ – 2022 ICC અંડર-19 વર્લ્ડ કપ
- શેફાલી વર્મા – 2023 ICC મહિલા અન્ડર-19 T20 વર્લ્ડ કપ
વધુ વાંચો
5g network : હજુ સુધી તમારા iPhoneમાં નથી મળ્યું Airtel-Jio 5G નેટવર્ક? આ રીતે કરો એક્ટિવ
Russia Ukraine War: કિવ પર સૌથી મોટો હુમલો, રશિયાએ ડ્રોન વડે ઘણા વિસ્તારોને નષ્ટ કર્યા
