Business
શેરબજારમાં બીજે દિવસે પણ લાલ નિશાન સાથે કરી શરૂઆત, સેન્સેક્સ 500 પોઈન્ટ્સ, નિફ્ટી 21450 ની નીચે
વૈશ્વિક બજારોમાં નબળાઈ બાદ ગુરુવારે પણ ભારતીય શેરબજારમાં વેચવાલી જોવા મળી હતી. શરૂઆતના કારોબારમાં બજારના મુખ્ય સૂચકાંકો લાલ નિશાનમાં ટ્રેડ થતા જોવા મળ્યા હતા. આ સમયગાળા દરમિયાન BSE સેન્સેક્સ 500 પોઈન્ટથી વધુ ઘટ્યો હતો. આ સાથે જ નિફ્ટી પણ 21450ના સ્તરની નીચે પહોંચી ગયો છે. સવારે 9.38 વાગ્યે, સેન્સેક્સ 565.49 (0.79%) પોઈન્ટ ઘટીને 70,935.27 પર હતો જ્યારે નિફ્ટી 192.41 (0.89%) પોઈન્ટ ઘટીને 21,379.55 ની આસપાસ ટ્રેડ થઈ રહ્યો હતો.
ગુરુવારે બજારમાં સૌથી વધુ ઘટાડો બેન્કિંગ, ફાઈનાન્સિયલ અને આઈટી સેક્ટરના શેર્સમાં જોવા મળ્યો હતો. LTI Mindtree અને HDFC બેન્કના શેર નિફ્ટીમાં ટોપ લુઝર તરીકે ટ્રેડ થતા જોવા મળ્યા હતા. આ પહેલા બુધવારે સેન્સેક્સ 1628 પોઈન્ટ ઘટીને 71,500 પર બંધ થયો હતો.
