Business
પહેલા દિવસે જ ટાટાના IPOએ મચાવી ધૂમ, 6.54 ગણો સબસ્ક્રાઇબ થયો, હજી 2 દિવસ બાકી
Tata Technologiesના IPOએ બજારમાં આવતાની સાથે જ હલચલ મચાવી દીધી છે. ટાટા કંપનીનો IPO લગભગ બે દાયકા પછી આવી રહ્યો છે. રોકાણકારો લાંબા સમયથી આ IPOની રાહ જોઈ રહ્યા હતા. આજે, સબ્સ્ક્રિપ્શનના પ્રથમ દિવસે, કંપનીનો IPO 6.54 વખત સબસ્ક્રાઇબ થયો છે. આ IPO ખુલ્યાના પ્રથમ કલાકમાં જ સંપૂર્ણ સબસ્ક્રાઈબ થઈ ગયો હતો.
NSEના ડેટા અનુસાર, રૂ. 3,042.5 કરોડના IPO માટે બિડિંગના પ્રથમ દિવસે 4,50,29,207 શેરની સામે 29,43,78,780 શેર માટે બિડ મળી હતી. Tata Technologies એ મંગળવારે એન્કર (મોટા) રોકાણકારો પાસેથી રૂ. 791 કરોડ એકત્ર કર્યા હતા.
પ્રાઇસ બેન્ડ શું છે?
કંપનીએ IPO માટે શેર દીઠ રૂ. 475-500ની પ્રાઇસ બેન્ડ નક્કી કરી છે. IPO 24 નવેમ્બરે બંધ થશે. IPO હેઠળ, ટાટા મોટર્સ 11.4 ટકા હિસ્સો વેચશે, ખાનગી ઇક્વિટી ફર્મ આલ્ફા ટીસી હોલ્ડિંગ્સ 2.4 ટકા હિસ્સો વેચશે અને ટાટા કેપિટલ ગ્રોથ ફંડ-1 1.2 ટકા હિસ્સો વેચશે.
ટાટા ટેક્નોલોજીસ IPO વિગતો-
- IPO ક્યારે ખુલશે – 22 નવેમ્બર 2023
- IPO ક્યારે બંધ થશે – 24 નવેમ્બર 2023
- રોકાણ કરવાની લઘુત્તમ રકમ – રૂ. 14,250
- પ્રાઇસ બેન્ડ – રૂ 475-500
- લોટ સાઈઝ – 30 શેર
2004 પછી આવનાર કોઈપણ IPO
લગભગ બે દાયકામાં પ્રથમ વખત ટાટા ગ્રૂપની કોઈ કંપની IPO લાવી રહી છે. ટાટા ગ્રુપનો છેલ્લો IPO વર્ષ 2004માં આવ્યો હતો. જો કંપનીની વાત કરીએ તો ટાટા ટેક્નોલોજી સાથે 11000 કર્મચારીઓ જોડાયેલા છે. આ સાથે, કુલ 18 વૈશ્વિક વિતરણ કેન્દ્રો ઉપલબ્ધ છે.