Entertainment
OTT પર ધમાલ મચાવવા માટે તૈયાર છે આ ફીલમ, જાણો ક્યાં જોઈ શકશો
બોલિવૂડના ખેલાડીઓ અક્ષય કુમાર અને ટાઈગર શ્રોફ અભિનીત ફિલ્મ ‘બડે મિયાં છોટે મિયાં’ દર્શકોને ખૂબ જ પસંદ આવી હતી. અલી અબ્બાસ ઝફર દ્વારા નિર્દેશિત આ ફિલ્મની OTT રિલીઝની દર્શકો આતુરતાથી રાહ જોઈ રહ્યા છે. આવી સ્થિતિમાં, થિયેટરો પછી, આ ફિલ્મ OTT પ્લેટફોર્મ પર પણ ધૂમ મચાવવા માટે તૈયાર છે. નિર્માતાઓએ ફિલ્મની OTT રિલીઝની જાહેરાત કરી છે. આ ફિલ્મ 6 જૂને Netflix પર આવશે.
આશરે રૂ. 350 કરોડના બજેટ સાથે બનેલી આ ફિલ્મે હિટની કતારમાં રહેવા માટે ઓછામાં ઓછા રૂ. 70 કરોડની ઓપનિંગ લેવી જોઈતી હતી. આ ફિલ્મે ભારતીય બોક્સ ઓફિસ પર માત્ર 65 કરોડ 65 લાખ રૂપિયાની કમાણી કરી હતી. લગભગ પાંચ અઠવાડિયા થિયેટરોમાં હોવા છતાં, આ ફિલ્મ 100 કરોડની કમાણી પણ કરી શકી નથી.
ફિલ્મમાં અક્ષય કુમાર અને ટાઈગર શ્રોફ જબરદસ્ત એક્શન કરતા જોવા મળ્યા છે. ‘બડે મિયાં છોટે મિયાં’માં એક્શન સીન મોટા પાયે શૂટ કરવામાં આવ્યા હતા. આમાં પૃથ્વીરાજ સુકુમારન વિલનની ભૂમિકામાં જોવા મળ્યા હતા. વિસ્ફોટક એક્શન હોવા છતાં, ફિલ્મ બોક્સ ઓફિસ પર સારો દેખાવ કરવામાં નિષ્ફળ રહી.