Gujarat
ટીંબાગામ પ્રાથમિક શાળાના ત્રિવેણી સંગમ ઉજવણી.
ગોઘરા તાલુકાની ગોઠડા પગાર કેન્દ્રમાં આવેલી ટીંબાગામ શાળામાં સત્રના છેલ્લા દિવસે ત્રિવેણી કાર્યક્રમ ની ઉજવણી કરવામાં આવી. નિરાંત ચેરિટેબલ ટ્રસ્ટ વેજલપુર દ્રારા શાળાના શિક્ષક રઘુભાઇ ના પ્રયત્નો થી 20 બાળકોને દિવાળી ની કીટ આપવામાં આવી જેમાં દાળ, ચોખા, તેલ, મીઠુ,મસાલા, ગોળ, શ્રીફળ તેમજ સાડી અને મીઠાઈ ગામના અગ્રણી ગોપાલભાઈ પટેલ હસ્તે વિતરણ કરવામાં આવી.બાદ રઘુભાઇ નો કુદરતી ખેતી પ્રોજેક્ટ અંતર્ગત ખેડૂત સેમિનાર કાર્યક્રમ યોજવામાં આવ્યો જેમાં કૃષિ યુનિવર્સીટી હાલોલ થી પ્રોફેસર રાજેશભાઈ ઠક્કર તેમજ ગામમાંથી ખેડૂત અગ્રણીઓ હાજર રહી કુદરતી ખેતી વિશે માર્ગદર્શન મેળવ્યું હતું. છેલ્લે દિવાળી પર્વ અંતર્ગત બાળકોને મજા આવે તે માટે વિવિધ રંગબેરંગી ફટાકડા ફોડી દિવાળી ની મોજ મનાવવામાં આવી.