Vadodara
વડોદરા ૨૦૦ વર્ષથી પારસીઓનું ઘર અન્ય સંસ્કૃતિઓ સાથે મિશ્રિત કરી રહ્યો છે આ સમુદાય
સમાજના વિકાસ અને વડોદરાના વિકાસમાં તેમનું યોગદાન અવિરત છે
નેવિલ વાડિયા ઘણા દાયકાઓથી સાંસ્કૃતિક નગરી વડોદરામાં અન્ય સંસ્કૃતિઓ સાથે ખુબજ સુંદર રીતે ભળીને વસી ગયા છે. તેઓ હૃદયથી સાચા પારસી હોવાની સાથે અન્ય પરંપરાઓનું અનુસરે છે અને તહેવારો પણ ઉત્સાહપૂર્વક ઉજવે છે. ભૂતપૂર્વ ક્રિકેટર તરીકે તેઓ રમતને વડોદરા તથા તેઓના સમુદાય વિકાસના માધ્યમ તરીકે ઉપયોગ કરી રહ્યા છે.
પારસીઓ છેલ્લા ૨૦૦ વર્ષ કે તેથી વધુ સમયથી વડોદરામાં રહે છે અને ઇતિહાસના રેકોર્ડ મુજબ ગાયકવાડના સમયથી શહેરના વિકાસમાં મહત્વની ભૂમિકા ભજવી રહ્યા હતા. તેઓએ વડોદરાના દિવાન તરીકે સેવા આપી હતી અને શહેરના વિકાસમાં તેમનું અમૂલ્ય યોગદાન આપ્યું હતું. ૧૮૪૨ માં ડોખ્મા અને ૧૮૪૫માં ઉમરીગર અગિયારીનું બાંધકામ વડોદરામાં પારસીઓના આગમનની સાક્ષી પૂરે છે. આજની તારીખે, વડોદરામાં પારસી સમુદાયના ૨૯૦ પરિવારો નો સમુદાય છે. વધુમાં શહેરમાં બરોડામાં બે અગ્નિ મંદિરો છે, જેમાં એક ફતેગંજમાં અને બીજું સયાજીગંજમાં આવેલ છે.
પારસી પંચાયત ચેરીટેબલ ફંડ, બરોડાના ટ્રસ્ટી, રૂહશાદ કામાએ જણાવ્યું હતું કે, બરોડામાં સૌથી પ્રાચીન પારસીઓના નામ ઇતિહાસમાં નોંધાયેલા છે અને જેમણે બરોડાની ગાયકવાડ સરકાર હેઠળ વર્ષ ૧૮૦૦ માં સેવા આપી હતી. તે સમયે તેઓ દેસાઈ તરીકે ઓળખાતા હતા. તેમણે અંગ્રેજો અને ગાયકવાડ વચ્ચે વાટાઘાટો માટે ઉમદા સેવા આપી હતી. જેમાં ખંભાતના ખુરસદજી જમસેદી મોદીનું નામ મોખરે આવે છે જેમને અંગ્રેજોના મૂળ એજન્ટ તરીકે સેવા બજાવી હતી. ૧૮૭૪ માં બરોડાના દિવાન તરીકે પારસીઓના ઈતિહાસ વિશે વિસ્તારથી સાંભળવામાં મળ્યું હતું. ત્યારબાદ ઘણા પારસીઓ બરોડા આવીને હોસ્પિટલ, રેલ્વે, બેંક, સેવાઓ, શિક્ષણ, વ્યવસાય, કાયદાકીય,બાંધકામ અને અન્ય ક્ષેત્રોમાં તેમનું અમૂલ્ય યોગદાન આપ્યું છે. અમારી પંચાયત એક અનોખી સંસ્થા છે જેમાં ધાર્મિક, સામાજિક, સાંસ્કૃતિક, શૈક્ષણિક અને અન્ય ઘણી બધી પ્રવૃત્તિઓનો સંયોગ છે. ઘણા અગ્રણી પારસીઓએ બરોડાના વિકાસમાં સીમાચિન્હ રૂપ યોગદાન આપ્યું છે કારણ કે તે દરેક ક્ષેત્રમાં સમૃદ્ધિમાં મદદ કરે છે અને લોકો અમારા પ્રત્યે ઉચ્ચ આદર ધરાવે છે.
નેવિલ વાડિયા, જેઓ સ્કોર કરનાર સદીના સૌથી વૃદ્ધ ખેલાડી અને ગિનીસ વર્લ્ડ રેકોર્ડ ધારક છે. તેઓ મુંબઈ અને વડોદરામાં ઘણી ક્રિકેટ ટુર્નામેન્ટમાં રમ્યા છે. તેઓ પારસી પંચાયતના સભ્ય પણ છે. તેઓ જણાવે છે કે પારસીઓ અન્ય સંસ્કૃતિઓ સાથે દૂધમાં સાકરની જેમ ભળી જાય છે. પારસી તરીકે અમે દરેક ધર્મમાં માનીએ છીએ અને ઉત્સવો ખૂબ જ ઉત્સાહથી ઉજવીએ છીએ. વડોદરામાં અમારો લગભગ ૧૩૦૦ લોકોનો સમુદાય છે અને અમારી પારસી પંચાયત સાથે મળીને અમારા સમુદાયના કલ્યાણ માટે પ્રયાસો કરે છે અને દરેક જગ્યાએ સુમેળ લાવે છે. અમે એ જ રીતે અમારી પરંપરાઓનું પાલન કરીએ છીએ અને એ જ મૂલ્યો આવનારી પેઢી સુધી પહોંચાડીએ છીએ. સમય સાથે અમે પણ બદલાઈ રહ્યા છીએ, પરંતુ અમારી પરંપરાઓની કિંમત પર નહીં. અમે અમારી યુવા પેઢીને ધાર્મિક અભ્યાસ શીખવીએ છીએ, જે તેમને અમારા સમુદાયના મૂલ્યો અને પરંપરાને સમજવામાં મદદ કરે છે અને તેઓ સમગ્ર સમાજના વિકાસમાં પણ યોગદાન આપી શકે છે‘, એમ નેવિલ વાડિયાએ જણાવ્યું હતું.
વધુમાં પારસી સમુદાયને સમર્થન આપવા બદલ તેમણે વડાપ્રધાન નરેન્દ્રભાઇ મોદીનો પણ આભાર માન્યો હતો. આપણા વડાપ્રધાન નરેન્દ્રભાઈ મોદી જ્યારે પણ અમને મળે ત્યારે હંમેશા ઈરાનશાહ આતશ બહેરામ વિશે પૂછે છે અને તે દર્શાવે છે કે તેઓ સમુદાયની કેવી કાળજી રાખે છે. ઈરાનશાહ આતશ બહેરામ એ ગુજરાતના ઉદવાડામાં મંદિરમાં રાખવામાં આવેલ પવિત્ર અગ્નિ છે. ઉદવાડાનો વિકાસ તેમના પ્રયત્નોને કારણે થયો છે અને અમે સમુદાય પ્રત્યેના આવા વલણ બદલ તેમનો આભાર માનીએ છીએ. અમે વડોદરા અને ભારતના વિકાસમાં અમારું યોગદાન ચાલુ રાખવા માગીએ છીએ, તેમ નેવિલ વાડિયાએ જણાવ્યું હતું.
