Gujarat
બાઈક ચાલકને બચાવવા જતાં પીકઅપવાન ઝાડ સાથે અથડાઈ ચાર ઈર્જા ગ્રસ્ત
(પ્રતિનિધિ ગોકુળ પંચાલ ઘોઘંબા)
પરોલી ચોકડી ઉપર ચેલાવાડાથી એરાલ પાણીયા જતી એક પીકઅપ બાઇક ચાલકને બચાવવા જતા ઝાડ સાથે અથડાઈ હતી જેમાં બે લોકોને વધુ અને અન્ય બેને નાની મોટી ઈર્જા થવા પામી હતી તમામને સારવાર અર્થે ઘોઘંબા હોસ્પિટલ ખસેડવામાં આવ્યા હતા.
ઘોઘંબા તાલુકાના પરોલી ચોકડી ઉપર આજરોજ સાંજના પાંચ વાગ્યાના અરસામાં રાઠવા વર્તનભાઈ ભીમાભાઇ એરાલ પાણીયાથી ચેલાવાડા બાબાદેવ ની બાધા કરવા ગયા હતા બાધા પુરી કરી પરત ફરતા હતા તે દરમિયાન પરોલી ચોકડી ઉપર એક બાઈક ચાલક ફૂલ સ્પીડમાં બાઇક હંકારી રોંગ સાઈડ ગાડી સામે આવતા ગાડી ચાલકે બાઈક ચાલકને બચાવવા માટે ગાડી સાઈડમાં ઉતારી દીધી હતી સાઈડ ઉપર મોટું ઝાડ હોવાથી પીકઅપ ચાલક બાઈક ચાલકને બચાવવા જતાં ઝાડ સાથે અથડાયો હતો અકસ્માત દરમિયાન ગાડીમાં પરિવારજનો બેઠેલા હોઈ બે ઈસમોને વધારે ઈર્જા થઈ હતી તેમજ અન્ય બે ને સામાન્ય ઈર્જા પહોંચી હતી અકસ્માત નો અવાજ સાંભળી આજુબાજુથી લોકોએ દોડી આવી ગાડીમાંથી લોકોને ઉતારી તેઓને 108 મારફતે સારવાર અર્થે ઘોઘંબા હોસ્પિટલમાં મોકલી આપ્યા હતા.