Sports
ગાંગુલી-ગંભીરનો રેકોર્ડ રાંચીમાં યશસ્વી જયસ્વાલે તોડ્યો, બનાવ્યો ઇતિહાસ
ભારત અને ઈંગ્લેન્ડ વચ્ચે રાંચીમાં રમાઈ રહેલી ટેસ્ટ મેચમાં યશસ્વી જયસ્વાલે અડધી સદી ફટકારી હતી. મેચના બીજા દિવસે શનિવારે યશસ્વીએ ભારત માટે પ્રથમ દાવમાં અડધી સદી ફટકારી હતી. આ સાથે તેણે એક વિશેષ સિદ્ધિ પણ હાંસલ કરી હતી. યશસ્વીએ પૂર્વ ક્રિકેટર સૌરવ ગાંગુલી અને ગૌતમ ગંભીરનો રેકોર્ડ તોડ્યો છે. તે ભારત માટે ટેસ્ટ શ્રેણીમાં સૌથી વધુ રન બનાવનાર ડાબોડી બેટ્સમેન બની ગયો છે.
વાસ્તવમાં, યશસ્વી જયસ્વાલ ડાબોડી બેટ્સમેન છે જેણે ટીમ ઈન્ડિયા માટે ટેસ્ટ શ્રેણીમાં સૌથી વધુ રન બનાવ્યા છે. તેણે આ મામલે ગંભીર અને ગાંગુલીને હરાવ્યા છે. સમાચાર લખાય છે ત્યાં સુધી યશસ્વીએ 4 ટેસ્ટ મેચની 7 ઇનિંગ્સમાં 599 રન બનાવ્યા હતા. આ દરમિયાન તેણે બે બેવડી સદી પણ ફટકારી છે. યશસ્વીએ રાજકોટ અને વિશાખાપટ્ટનમ ટેસ્ટમાં પણ શાનદાર પ્રદર્શન કર્યું હતું.
સૌરવ ગાંગુલીએ 2007માં પાકિસ્તાન સામે 534 રન બનાવ્યા હતા. યશસ્વી પહેલા તે સૌથી વધુ રન બનાવવાના મામલે ટોપ પર હતો. પરંતુ હવે તેઓ બીજા નંબર પર આવી ગયા છે. ત્રીજા નંબર પર ગૌતમ ગંભીર છે. ગંભીરે 2008માં ઓસ્ટ્રેલિયા સામે 463 રન બનાવ્યા હતા. તેણે 2009માં ન્યૂઝીલેન્ડ સામે 445 રન બનાવ્યા હતા.
ઉલ્લેખનીય છે કે યશસ્વીની કારકિર્દી અત્યાર સુધી શાનદાર રહી છે. તેણે 14 ટેસ્ટ ઇનિંગ્સમાં 915 રન બનાવ્યા છે. આ દરમિયાન તેણે 3 સદી અને 3 અડધી સદી ફટકારી છે. આ સાથે તેણે 2 બેવડી સદી પણ ફટકારી છે. યશસ્વીનો સર્વશ્રેષ્ઠ ટેસ્ટ સ્કોર 214 રન છે. તેણે ટી20 ફોર્મેટમાં પણ સારું પ્રદર્શન કર્યું છે.
જો ભારત અને ઈંગ્લેન્ડ વચ્ચે રાંચીમાં રમાઈ રહેલી ટેસ્ટ મેચની વાત કરીએ તો યશસ્વીએ બીજા દિવસે ટી-બ્રેક સુધી પ્રથમ દાવમાં 96 બોલમાં 54 રન બનાવ્યા હતા. તેણે 5 ફોર અને 1 સિક્સ ફટકારી હતી. ટીમ ઈન્ડિયાએ ટી બ્રેક સુધી 4 વિકેટ ગુમાવીને 131 રન બનાવ્યા હતા. આ પહેલા ઈંગ્લેન્ડે પ્રથમ દાવમાં 353 રન બનાવ્યા હતા.