Health
શું ડાયાબિટીસના દર્દીઓ ઈંડા ખાઈ શકે કે નહીં? જાણો આ વિશે
ડાયાબિટીસ એક એવો રોગ છે, જે સમગ્ર વિશ્વમાં લાખો લોકોને અસર કરે છે. જો આ રોગની સારવાર યોગ્ય સમયે ન કરવામાં આવે તો તે મૃત્યુનું કારણ પણ બની શકે છે. ડાયાબિટીસના દર્દીઓને ખાસ કરીને મીઠાઈ ખાવાની મનાઈ છે. સુગરના મોટાભાગના દર્દીઓ ઇંડા ખાતા જોવા મળે છે. એવું કહેવાય છે કે ઈંડામાં 10માંથી 9 આવશ્યક એમિનો એસિડ હોય છે, જે સારું સ્વાસ્થ્ય જાળવવાનું કામ કરે છે.
ઈંડામાં પુષ્કળ પોષણ હોય છે. તેમાં પ્રોટીન, વિટામિન ડી, બી12, બી6, કેલ્શિયમ, ફોલેટ, રિબોફ્લેવિન, જસત અને આયર્ન જેવા ઘણાં વિવિધ જરૂરી પોષક તત્વો હોય છે. ઘણા બધા પોષક તત્વોની હાજરીને કારણે, ઇંડાનું સેવન મોટાભાગના લોકો, ડાયાબિટીસના દર્દીઓ પણ કરે છે. હવે સવાલ એ થાય છે કે ડાયાબિટીસના દર્દીઓએ ઈંડાનું સેવન કરવું જોઈએ કે નહીં.
શું ડાયાબિટીસના દર્દીઓ ઇંડા ખાઈ શકે છે?
શુગરના દર્દીઓ ઈંડા ખાઈ શકે છે?
ઘણા અભ્યાસો દર્શાવે છે કે ઈંડાનું સેવન કરવાથી બ્લડ સુગર લેવલ પર કોઈ વિપરીત અસર થતી નથી. જો અભ્યાસનું માનીએ તો, પૂરતા પ્રમાણમાં પ્રાકૃતિક પ્રોટીનનું સેવન કરવાથી બ્લડ સુગર લેવલને સ્થિર રાખવામાં મદદ મળે છે. જોકે ઈંડામાં કોલેસ્ટ્રોલનું પ્રમાણ વધુ હોય છે. કેટલાક અભ્યાસો અનુસાર, આહાર કોલેસ્ટ્રોલ લોકોના લોહીના કોલેસ્ટ્રોલના સ્તર પર ઓછી અસર કરે છે. અમેરિકન ડાયાબિટીસ એસોસિએશન અને અન્ય આરોગ્ય સંસ્થાઓ અનુસાર, મર્યાદિત માત્રામાં ઇંડાનું સેવન કરવાથી હૃદયના સ્વાસ્થ્ય પર ખરાબ અસર પડતી નથી.
વધુ માત્રામાં સેવન ન કરો
એકંદરે, નિષ્કર્ષ એ છે કે ડાયાબિટીસના દર્દીઓ ઇંડાનું સેવન કરી શકે છે. કારણ કે તેમાં કાર્બોહાઇડ્રેટ્સ ઓછી માત્રામાં હોય છે અને વિટામિન્સ, મિનરલ્સ, પ્રોટીન વધુ માત્રામાં હોય છે. જો કે આવા લોકોએ તેનું વધુ પડતું સેવન કરવાનું ટાળવું જોઈએ.